1. Korintarja 9:3 - O Debleskro Lab 2024 (Sinte-Manouche)

³ Kolla, kay kamenn doosh ap mande te anell, kolendar poučau:

O Debleskro Drom 2021 (Sinte)

³ Kolla, kai kamenn doosh ap mande te anell, kolendar putchau:

1. Korintarja 9:3 Referans Kwoze

2. Timoteo 4:16

Har homs o glanstouno kopo glan i čačepangre tardo, his kek ap miri rig tardo. Lauter moukan man kokres. Me mangau o Debles, te lell lo koy doosh lendar.

Filiparja 1:7

Me nay sharau t'men yaake. T'mer han an miro dji oun rikrenn mantsa khetne, ninna kanna, kay hom an o stilepen, oun penau o lačo lab o Yezous Kristestar glan i čačepangre oun sikrau lende leskro drom yaake, te djinenn le o čačepen.

2. Korintarja 13:10

Kava činau me t'menge kanna, kay hom dour krik t'mendar. Te vau pash t'mende, kamau gar te čingrell t'mentsa i zoryah, hoy das man maro ray Yezous. Kay zoor das lo man, te krap t'men zoreles, gar te krap t'men paash.

2. Korintarja 13:5

Dikenn ap t'mende, har t'mer an o patsepen tardo han! Hi t'maro patsepen čačo? Djivell o Yezous Kristo mank t'mende? Te hayvenn t'mer gar, te hi lo mank t'mende, palle hi t'maro patsepen či moldo.

2. Korintarja 13:3

Palle dikenn t'mer mishto, te vas miro rakepen o Yezous Kristestar. Yob hi zorelo pash t'mende, oun sikrell t'men peskri bari zoor.

1. Korintarja 14:37

Te patsell yek t'mendar, kay o Devel rakrell leha, oun kay o Debleskro Dourho les o Debleskro koova sikrell, yaake hayvell yob, te hi kava gar mandar, hoy me kate činau. Kava hi o Deblestar.

Bičepangre 25:16

Kolenge penom: Yaake krah mer Remarya kova gar. Mer dah kekes i phagi, kay dikas kolenge gar an o mouy, kay anan doosh ap leste pre. Yob hounte penas nay, har yob ko koova dikella.

Bičepangre 22:1

T'mer morsha, phrala oun dada, shounenn, hoy kamau t'menge te penell!

Louka 12:11

Te anenn i menshe t'men glan i čačepangre oun glan i rayende oun pralstunende, ma darenn, hoy t'mer hounte rakrenna.

1. Korintarja 9:2

Vavar penenna, te hom me gar o Yezousestar bičedo. T'mer djinenna, kay man o Yezous Kristo bičras. Oun har me ap t'mende lestar rakrom, van t'mer patslo.

1. Korintarja 9:4

Hi men gar ko čačepen, te rhas oun te piyas pash t'mende?