1. Korintarja 4:4 - O Debleskro Lab 2024 (Sinte-Manouche)

⁴ Me djinau gar, te anom doosh ap mande. Ninna te djinom kova gar, krell man kova gar čačo glan o Debleste. Kova, kay o čačepen pral mande vi-rakrella, hi kokres maro ray Yezous.

O Debleskro Drom 2021 (Sinte)

⁴ Me djinau gar, te anom doosh ap mande. Ninna te djinom kowa gar, krell man kowa gar tchatcho glan o Debleste. Kowa, kai o tchatchepen pral mande wi-rakrella, hi kokres maro rai Jesus.

1. Korintarja 4:4 Referans Kwoze

Debleskri gili 143:2

De man, tiro boudepaskres, kek phagi; glan toute hi kek mensho an o čačepen tardo.

Debleskri gili 130:3

Te činals tou, baro Devel, mari doosh an i liil, koon nay ačals palle glan toute tardo?

2. Korintarja 1:12

Maro dji penell menge, mer djivam maro djipen čačes oun djoudjes, yaake har o Devel kamella. Doleske nay sharah men. Mer rakram pral o Debleskro lačepen oun penam či, hoy vella dran maro menshengro gosvepen. T'mer djinenna, yaake djivam gar kokres mank i vavar menshende, na-a, ninna pash t'mende.

Gosewe laba 21:2

Hako drom i menshestar hi mishto an peskre yaka. O baro Devel dikell palla, havo dji koy palla tardo hi.

Debleskri gili 19:12

Miro ray, me moukau tire laba ap miro dji te rakrell. Koon rikrell pes ap lende, koleske djal mishto.

2. Korintarja 5:10

Ap ko dives, kay rakrell o Yezous Kristo o čačepen pral mende vin, hounte vas mer halauter glan leste tardo. Oun hakeno lell pal kova, hoy yob kras, har djivas lo ap i phoub: lačo koova har čilačo koova.

1. Korintarja 4:5

Dran kova penau, ma penenn yekestar: Kova krell peskri boudi gar mishto. Kanna hi gar o čačo tsiro, te rakrenn yaake. Ap ko dives, kay vell maro ray Yezous pale, sikrell lo halauteren, hoy kanna khatedo hi. Oun lauter, hoy an o dji dren hi, vell palle diklo. Oun palle vell hakeno sharedo o Deblestar pal koy boudi, hoy yob kras.

Remarja 2:13

Glan o Debleste hi kolla čačo, kay krenna, hoy yob kamella, oun gar kolla, kay shounenn kol laba oun krenn gar, hoy kol laba penenna.

Hiob 40:4

Dik, me hom či moldo! Hoy penap me touke? Me čivau miro vast ap miro mouy.

Hiob 27:6

Me hom an o čačepen. Ap kova rikrau man zoreles, oun ačau koy pashel. Kek dives penell miro dji mange: Kova hoy kral, his gar mishto.

Hiob 25:4

Glan o Debleskre yaka hi kek mensho an o čačepen tardo. Kek mensho hi erligo glan leste.

Bičepangre 23:1

O Paulo dikas ap kol pralstoune biboldende, oun penas: “T'mer morsha, mire phrala, o tselo djipen boudrom o Debleske, oun man hi i djoudjo dji.”

Johanni 21:17

O Yezous poučas lestar o triinto kopo: “Simon, tou, o Yohanneskro čavo, kameh tou man o djiyestar?” Koy vas o Petreske ropaske pral kova, kay yob triin kope poučas: Kameh tou man o djiyestar? Oun yob penas: “Ray, tou djineh halauter. Tou djineh, kay me tout kamau o djiyestar.” Penas o Yezous: “De mire bakren te rhal!

Hiob 15:14

Hoy hi o mensho, te nay vals lo erligo glan o Debleste? Kek ap kay phoub hi an o čačepen tardo glan leste.

Hiob 9:20

Ninna te vaus an o čačepen, miro rakepen anals i phagi pral mande. Ninna te vals kek doosh ap mande, dals lo man i doosh.

Remarja 4:2

Kras lo lauter, hoy mishto hi? Palle nay sharals pes lo glan i menshende, gar glan o Debleste.

Debleskri gili 50:6

O bolepen kharell: O Devel hi o čačepaskro ray! Oun lauter hoy yob vi-rakrell, hi čačo.

Debleskri gili 26:12

Mire herya hi zoreles tardo oun perenn gar o čačo dromestar tele. Me kamau miro baro Debles te sharell, kote, kay leskre menshe khetne venna.

Gosewe laba 29:26

Boud rodenn i rayes pre, te rakrenn le leha. Kova, kay dell o menshes peskro čačepen, hi kokres o baro Devel.

1. Korintarja 4:3

Mange hi yek, hoy t'mer mandar penenna. Ninna kova, hoy i čačepangre mandar penenna, hi mange yek. Me dikau vitar gar ap mande te penap mange, har miri boudi krom.