1. Korintarja 12:3 - O Debleskro Lab 2024 (Sinte-Manouche)

³ Doleske kamau te djinenn t'mer, hoy vella o Deblestar, oun hoy vell gar lestar. Oun me penau t'menge: Te rakrell yek, hoy o Debleskro Dourho leske an o mouy čivell, nay praasell lo gar o Yezouses. Oun kek nay penella: “O Yezous hi miro ray!” te hi o Debleskro Dourho gar an leste.

O Debleskro Drom 2021 (Sinte)

³ Doleske kamau te djinenn tumer, hoi wella o Deblestar, un hoi well gar lestar. Un me penau tumenge: Te rakrell jek, hoi o Debleskro Ducho leske an o mui tchiwell, nai praassell lo gar o Jesuses. Un kek nai penella: “O Jesus hi miro rai!” te hi o Debleskro Ducho gar an leste.

1. Korintarja 12:3 Referans Kwoze

2. Korintarja 3:5

Dran mari zoor nay krams mer mari boudi gar mishto. Kay boudi krah mer dran o Debleskri zoor. Oun kova, hoy hayvah, vell o Deblestar.

Remarja 10:9

Oun tou te peneh i menshenge: O Yezous hi o ray, oun te patseh tou an tiro dji, te kras les o Devel i moulendar djido, palle dell lo tout o djipen, hoy gar pre-herella.

Johanni 13:13

T'mer penenn ap mande: Sikepaskro oun Ray. Oun kova hi čačo. Me hom kova.

1. Korintarja 8:6

hi men yek Devel. Kova hi maro dad an o bolepen, oun dran leste vell halauter. Oun mer ham leske koy. Oun men hi yek ray, kova hi o Yezous Kristo. Lestar vas halauter. Oun lestar lam mer o nevo djipen.

Johanni 15:26

Te hom pash o dadeste, palle bičrau t'menge o rakepaskres, kay vella ap t'mari rig. Kova hi o Debleskro Dourho. An leste hi o čačepen. Yob vella o dadestar, oun penell o čačepen pral mande.

Mateo 22:43

Penas o Yezous: “Te hi kova čačo, har nay penas o David ap leste: Mo ray? Kava lab čivas o Debleskro Dourho an o Davideste,

Markus 9:39

Penas o Yezous ap lende: Moukenn les! Kova, kay savo baro koova krella an miro lab, kova nay rakrell gar sik koy pal djoungeles pral mande.

1. Korintarja 16:22

Koon o Yezouses, maro rayes, gar kamella, ap koleste vell i bibarht! Maranatha!

5. Mose 21:23

palle ačell ko moulo gar pral i rat ap ko kashteste. Na-a, yob hounte vell paskedo ap ko emligo dives, te vell ko them gar pale-čiddo, hoy t'maro baro Devel t'men dell. Pash leste hi kova praasedo, kay hi pre-pandlo ap i kasht.

2. Korintarja 11:4

Hi yaake: Te vell yek pash t'mende oun sikrell t'men i vavar drom, har ko drom, hoy mer t'mende sikram, palle nashenn t'mer leske palla. Te rakrell lo pral i vavar Yezous oun i vavar Debleskro Dourho, har kova, hoy an t'mende vas, palle shounenn t'mer mishto ap ko rhorheno morsheste.

Debleskro tsiro 1:10

Ap o Debleskro dives vas o Debleskro Dourho zoreles pral mande. Oun me shounom pal mande i zorelo rakepen. Kova his har i gole, hoy dell i phourdepaskri.

Galatarja 3:13

Mer nashte rikram kova lauter gar. Oun dran kova vam tel o Debleskro praasepen. Oun o Yezous Kristo las ko praasepen mendar krik, har yob ap o troushel dino vas, oun yaake menge praasedo vas. O Debleskro lab penella: Hakeno, koon ap o troushel dino vella, hi praasedo.

Johanni 13:14

Te thovom me, t'maro ray oun sikepaskro, t'mare pire, yaake hounte thovenn t'mer ninna t'menge i pire, yek o vavareske.

Debleskri gili 109:20

Kova vell i phagi o baro Deblestar kolenge, kay doosh ap mande pre anenn oun čilačo koova pral mande rakrenn.

Bičepangre 8:37

“Te patseh tou o tselo djiyestar ap o Yezous Kristeste, nay krau me kova,” penas o Filipo. Penas ko pralstuno: “Me patsau, kay hi o Yezous Kristo o Debleskro čavo.”