1. Korintarja 1:8 - O Debleskro Lab 2024 (Sinte-Manouche)

⁸ Yob dell t'men i zoor, te ačenn an o patsepen, bis te vell lo pale. Oun kek nay anell i doosh ap t'mende ap ko dives.

O Debleskro Drom 2021 (Sinte)

⁸ Job dell tumen i soor, te atchenn an o patsepen, bis te well lo pale. Un kek nai anell i doosh ap tumende ap ko diwes.

1. Korintarja 1:8 Referans Kwoze

1. Tessalonikarja 3:13

Palle venn t'mare djia zorelo oun djoudjo. Oun o Devel, maro dad, hatsell kek doosh ap t'mende ap ko dives, kay vell o Yezous, maro ray, pale lauterentsa, kay leskre hi.

Kolossarja 1:22

Kanna van t'mer o Debleskre mala. Har peskro čavo t'menge meras, las lo t'mari doosh t'mendar oun kras t'men djoudjo oun erligo glan leste.

Filiparja 1:6

Doleske djinau: O Devel kras i lači boudi an t'mende. Oun yob krell ninna, te ačenn pash leste, te venn lačes glan leste tardo ap ko dives, kay vell o Yezous Kristo pale.

2. Tessalonikarja 3:3

Maro ray Yezous moukell t'men gar. Yob dell t'men zoor, oun dell garda ap t'mende, te vell kek čilačo koova ap t'mende.

Efesarja 5:27

Yaake kras lo len rayles oun shoukar. Kek djoungelo oun čilačo koova hi ap lende. Djoudjo oun erligo hi le glan leste tardo.

Remarja 16:25

Sharedo vell o baro Devel! Les hi i zoor, te krell lo t'maro patsepen zoreles. Yaake penell les o lačo lab, hoy me penau i menshenge, ko lačo lab o Yezous Kristestar. Kate vell siklo o drom pash o Debleste. Kova djinan le i rah tsiro gar.

1. Petro 5:10

I tikno tsiro vell pharo koova ap t'mende. An kava tsiro lenn t'mer i zoor, te ačenn ap o Debleskro drom. O Devel, kolestar vell o tselo lačepen, yob das t'men gole, te djivenn hako tsiro khetne o Yezous Kristeha oun lenn leskro raylepen. Yob dell t'men ninna i zoor, te ačenn zoreles an o patsepen oun an o djipen.

Filiparja 1:10

Yaake nay dikenn, hoy mishto oun čačo hi. Oun ap ko dives, kay vell o Yezous Kristo pale, han t'mer an o čačepen glan leste tardo, oun kek doosh hi ap t'mende.

2. Petro 3:14

Lače phrala oun phenya, t'mer kamenna, te vell ko dives sik. Doleske krenn lauter, te vell či mank t'mende oun o Debleste tardo! Djivenn yaake, te hi t'men i djoudjo dji, oun te hatsell o Devel kek doosh ap t'mende ap ko dives, kay venna glan leste tardo!

Remarja 14:4

Kova hi gar tiro koova, te peneh pral i vavareskro boudepaskro: “Kova, hoy yob kras, hi gar mishto.” Leskro ray kokres nay penell: “Kova hi mishto, kova hi gar mishto.” Oun maro ray, o Yezous Kristo, les hi i zoor, te rikrell lo les pash peste, yaake te ačell lo tardo an o patsepen.

Debleskri gili 37:28

O baro Devel kamell o čačepen oun moukell peskre menshen gar kokres. Hako tsiro dell yob yak ap lende. Kolla, kay kamenn o Deblestar či te djinell, merenna, ninna lengre čave oun kolengre čave.

2. Petro 3:10

Kek djinell o dives, kay maro ray Yezous pale vella. Ko dives vella yaake har i dre-phagepaskro vella. Palle djal o bolepen krik bari golyah. I bolepangre momlia rhačrenna krik. Ninna i phoub oun ko tselo koova, hoy ap i phoub hi, rhačrella pre.

2. Korintarja 1:21

O Devel krell men, ninna t'men lauteren, zoreles an o patsepen ap o Yezous Kristeste. Yob rodas men peske vin,

Debleskri gili 37:17

Kolengri zoor vell phagedo. O baro Devel rikrell kolen, kay an o čačepen tardo hi.

1. Korintarja 5:5

te merell leskro phouro djipen an leste, yaake te djal ko mensho gar nashedo ap ko dives, kay vell maro ray Yezous pale.

Louka 17:24

Yaake har i Debleskri yag an o bolepen diklo hi, hoy djal yek rigyatar ap i vavar rig an o bolepen, yaake vell o Mensheskro Čavo ap peskro dives diklo.

Louka 17:30

Yaake djal kova ninna ap ko dives, kay o Mensheskro Čavo diklo vella.

Remarja 8:19

Halauter, hoy o Devel kras, dikell peskro tselo djiyeha ap ko tsiro, kay o Devel halauteren sikrella, koon leskre čave hi.

1. Korintarja 3:13

Vell ko dives, kay dikenn le, hoy hakeno pre čivas. Ap ko dives vell lauter an i yag. Oun koy yag sikrella, hoy haki boudi moldo hi.

2. Korintarja 1:13

Ninna kova, hoy činah t'menge an mare lila, nay hayvenn t'mer yaake, har kova činlo hi. Me patsau, te hayvenn t'mer men boudeder oun feteder, ninna te hayvenn t'mer kanna gomme gar lauter. Ap ko dives, kay vell maro ray Yezous pale, nay sharenn t'men mentsa, oun mer nay sharah men t'mentsa.

Kolossarja 2:7

te vell t'maro patsepen yaake zorelo har i rouk, hoy zoreles an i phoub tardo hi! Ma moukenn ko čačo drom, hoy t'mende siklo vas! Bistrenn vitar gar, te parkrenn t'men boud pash o Debleste!

1. Tessalonikarja 5:2

T'mer djinenna, o ray Yezous vella har i čorepaskro an i rati.

2. Tessalonikarja 2:2

Mer mangah t'men: Ma moukenn t'men dinelo oun dareno te krell, te penenn i menshe t'menge: “Ko dives hi kanna kay.” Ma patsenn lenge ninna, te penenn le, te sikras len o Devel kova, vitar gar, te penenn le, te lans le i liil mendar, kay mer kova činams!

2. Timoteo 1:12

Doleske hounte lap kava lauter ap mande kate an o stilepen, oun me ladjau gar. Me djinau, ap koneste patsaua. Oun me djinau, kay o Yezous Kristo rikrell peskre vasta pral kova, hoy yob an miro vast das, bis te yob pale vella.

2. Timoteo 1:18

Me mangau o Debles, te vell lo leske lačes ap ko dives, kay yob glan leste tardo hi. Tou djineh ninna, har boud yob i patslenge an o foro Efesus boudras.