1. Johanni 2:5 - O Debleskro Lab 2024 (Sinte-Manouche)

⁵ Koon krella, hoy o Devel penella, an koleste hi čačepah o Debleskro tselo kamlepen. Oun ap kova dikah mer, te ačah o Debleha.

O Debleskro Drom 2021 (Sinte)

⁵ Koon krella, hoi o Dewel penella, an koleste hi tchatchepah o Debleskro tselo kamlepen. Un ap kowa dikah mer, te atchah o Debleha.

1. Johanni 2:5 Referans Kwoze

Johanni 14:23

Koy penas o Yezous ap leste: “Te kamell man yek o djiyestar, kova krell, hoy me penau. Koles kamell miro dad. Oun mer vah pash leste oun ačah pash leste.

Johanni 14:21

Koon mire laba shounella oun krell, hoy me penau, kova kamell man čačepah o djiyestar. Oun koon man kamella, koles kamell miro dad. Oun me kamau les ninna o djiyestar oun me sikrau leste, koon me hom.”

Louka 11:28

Koy penas lo: “Barhtele hi kolla, kay ap o Debleskro lab shounenna, oun kova ninna krenna, hoy o Devel penella.”

1. Johanni 3:24

Koon kova krella, hoy yob menge penas, kova ačell o Debleha khetne. Oun o Devel ačell leha khetne. O Devel das men peskro Dourho. Oun kova sikrell mende, te hi o Devel mentsa.

Debleskri gili 119:2

Har barhtelo hi kolla, kay yaake djivenn, har yob lenge sikras, oun pengro tselo djiyestar ap leste shounenn.

Debleskro tsiro 14:12

Doleske hounte venn o Debleskre menshe zoreles tardo an o patsepen, kolla lauter, kay krenna, hoy o Devel kamella, oun djan čačepah ap o Yezouseskro drom.”

1. Johanni 5:2

Kava hayvam: Mer te kamah o Debles čačepah, oun krah, hoy yob penella, palle kamah leskre čaven ninna.

Johanni 15:5

Me hom ko drakengro rouk. Oun t'mer han kol kashta. Koon ačell an mande oun me an leste, dran koleste vell boud lačepen. T'mer te han gar mantsa khetne, nay krenn t'mer či.

Ezekiel 36:27

Me dau miro dourho an t'mende, oun me krau save menshe t'mendar, kay krenn, hoy t'mendar kamau, oun djivenn pal mire čačepaskre laba, oun rikrenn len dren.

1. Johanni 4:18

Kones o Debleskro kamlepen an peste hi, koles hi kek traash. O Debleskro kamlepen tradell i traash vin. Koon trashella, te nay lell lo i phagi, koles hi gar o tselo Debleskro kamlepen an peste.

Debleskri gili 119:146

Ap toute dom me gole. Ab ap miri rig! Me kamau man te rikrap ap tire laba, hoy mende sikrenn, har te djivas.

2. Korintarja 5:17

Kanna djinah: Koon o Yezous Kristeha djivella, kova hi i nevo mensho, oun djivell bouder gar peskro phouro djipen. I nevo koova vas an leskro djipen.

Debleskro tsiro 12:17

Oun ko baro lolo sap vas rhoyedo ap koy djouvyate, oun djas koy, te marell lo lakre čaven. Kolla hi kol menshe, kay shounenn ap o Debleskro lab, oun djan ap o Yezouseskro drom.

1. Johanni 5:20

Mer djinah, kay o Debleskro čavo ap kay phoub vas, te krell lo mare yaka pre, te prindjras o čačo Debles. Oun yaake har mer ham khetne o Debleskro Čaveha, o Yezous Kristeha, yaake ham khetne o čačo Debleha. O Yezous Kristo hi o čačo Devel. Oun yob dell ko djipen, hoy gar pre-herella.

1. Korintarja 1:30

O Devel kras, te van t'mer ap o Yezous Kristeskro drom. Kanna djinah, hoy čačepah gosvepen hi. O Yezous Kristo kras men čačo glan o Debleste. Yob rodas men vin, te vas leske koy, oun las mari doosh mendar krik.

Remarja 8:1

Yaake djal kek nashedo, kay djivell o Yezous Kristeha khetne.

Jakobo 2:22

Tou dikeh, har yob kras, hoy o Devel lestar kamas, koy sikras lo, kay leskro patsepen ap o Debleste baro his.

2. Korintarja 5:21

O Devel čivas mari tseli doosh ap maro rayeste, o Yezous Kristeste, kay yob kek čilačepen kras, te vas mer čačo oun erligo glan o Debleskre yaka.

Johanni 6:56

Koon rhala miro mass, oun piyell miro rat, kova ačella an mande, oun me ačau an leste.

Sikepaskro 8:5

Kova, kay rikrell pes ap o baro rayeskro lab, kova djal gar khetne kolentsa, kay hadenn pen pral o baro rayeste. O gosevo djinell, o tsiro vell, kay lenn le i phagi.

Debleskri gili 106:3

Barhteles hi kolla, kay leskre laba rikrenna, oun hako tsiro o čačepen krenna.

Gosewe laba 8:32

Doleske, mire čave, shounenn ap mande! Barhtele hi kolla, kay ap miro drom djana!

Debleskri gili 119:4

Tou, baro Devel, penal menge, hoy te kras mer, te rikras mer kova hako tsiro.

Gosewe laba 28:7

Kova, kay o Debleskro drom djal, hayvell, hoy mishto oun gar mishto hi. Kova, kay i maal kolentsa hi, kay či-molde hi, anell ladj ap peskro dadeste.

Debleskri gili 105:45

Kava kras lo, te rikrenn le leskre laba, oun shounenn ap kova, hoy yob lenge penas. Sharedo vell o baro Devel!

1. Johanni 4:17

Mer te ham pherdo Debleskro kamlepen, palle hi men bouder kek daar glan o Debleste ap ko dives, kay o Devel o čačepen vi-rakrella pral i tsele menshende. Ninna te ham mer kanna ap kay phoub, ham mer o Debleha khetne, yaake har o Yezous Kristo o Debleha khetne hi.

2. Johanni 1:6

Te krah mer kova, hoy o Devel penas, sikrah mer, kay kamah les. Oun kova, hoy yob penas, te kras, shounan t'mer, har van patsle.