1. Johanni 1:7 - O Debleskro Lab 2024 (Sinte-Manouche)

⁷ Mer te djivah khetne o Debleha an o čačepen, yaake har o Devel an o čačepen tardo hi, palle nay ham mer ninna lauter khetne an o čačepen. Oun o rat leskro čavestar thovell mari tseli doosh mendar tele.

O Debleskro Drom 2021 (Sinte)

⁷ Mer te djiwah khetne o Debleha an o tchatchepen, jaake har o Dewel an o tchatchepen tardo hi, palle nai ham mer ninna lauter khetne an o tchatchepen. Un o rat leskro tchawestar thowell mari tseli doosh mendar tele.

1. Johanni 1:7 Referans Kwoze

Efesarja 5:8

Glan ko tsiro, har t'mer patslo van, djan t'mer ap o čilačo drom. Kova his har te djans an i rati. Kanna hi kova vavarčandes. Maro ray Yezous djivell an t'mare djia, oun anas t'men ap peskro drom. Yob hi i bari momeli t'menge. Djan kanna ap leskro drom, kay hi bouder kek tamlepen!

Debleskro tsiro 1:5

Lačepen oun barht t'menge! Kova dell t'men o Yezous Kristo! Yob sikrell i menshende o čačo drom pash o Debleste. Oun yob hi o glanstouno lauterendar, kay stenn i moulendar pre oun venn djido. Oun yob hi ninna o ray pral i tsele raya ap kay phoub! Yob kamell men o tselo djiyestar, oun las men dran mari doosh vin, oun playsras menge peskro rateha.

Remarja 13:12

Kava tsiro kanna hi har i rati. Sik hi i rati bouder gar kay. Oun o dives vella. Dran kova djivas gar har i menshe, kay djivenn an i rati. Te kras bouder gar čilačo koova! Kanna hounte kras mer kova, hoy mishto hi, te vell o čilačepen gar o ray pral mende.

Efesarja 1:7

Har o Yezous Kristo ap o troushel meras, oun peskro rat menge ratas, las lo mari doosh oun phagi mendar. Yaake baro his leskro lačepen ap mende!

Hebrearja 9:14

kitse zorleder hi o Yezous Kristeskro rat. O Debleskro Dourho, kay djivella hako tsiro, das o Yezous Kristeste i zoor, te nay das lo peskro djipen an o merepen. Oun yob meras o Debleske yaake har i bakro, ap koleste kek doosh hi. Kova kras lo, te lell lo mari doosh mendar, yaake te djivas mer bouder gar pal kol laba, hoy či moldo hi oun i menshe an o merepen anenna. Kanna hi maro dji djoudjo, oun mer nay vah čačepah o djido Debleske koy.

Debleskro tsiro 7:14

Oun me penom ap leste: “Miro ray, tou djineh les.” Oun yob penas ap mande: “Kolla van zoreles palla lino, oun van vin dran ko pharo tsiro. Oun yon thovan pengre ripya, oun kran len parno an o terno bakreskro rat.”

1. Johanni 1:5

Kova, hoy t'menge penah, shounam o Yezous Kristestar. Lestar shounam, kay hi lauter lačepen an o Debleste. Oun kek čilačepen hi an leste. O Devel hi har o dives oun kek tamlepen hi an leste.

1. Korintarja 6:11

Hi menshe mank t'mende, kay kran savo koova. Kanna vas t'mari doosh tele thodo. Oun t'mer van erligo kerdo glan o Debleste, oun han čačo glan leskre yaka. Kova lauter kras maro ray, o Yezous Kristo, oun o Debleskro Dourho t'menge.

1. Petro 1:19

Yob playsras peskro kouč rateha, hoy yob ratas, har meras lo ap o troushel. O Yezous Kristo his har i bakro, hoy maredo vas o Debleske. Ap leste his kek doosh oun kek čilačepen.

Johanni 12:35

Penas o Yezous ap lende: “Koy momeli hi gar bouder rah pash t'mende. Djan t'maro drom yaake rah, har koy momeli pash t'mende hi, te vell gar i rati pral t'mende! Koon an i rati djala, djinell gar, kay yob djala.

1. Johanni 5:6

O Yezous Kristo vas pash mende. Yob vas taufedo an o pani oun meras ap o troushel. Har meras lo, ratas lo peskro rat. Hi gar kokres leskro thopen an o pani, na-a, ninna leskro rat sikrell mende, kay yob o Debleskro čavo hi. Oun o Debleskro Dourho penell menge kova ninna. Oun o Debleskro Dourho penell o čačepen.

1. Johanni 1:3

Kova, hoy mer dikam oun shounam, penah mer t'menge, te nay vas mer t'mentsa khetne an o čačepen. Oun čačepah, mer ham khetne o Debleha, kay hi maro dad an o bolepen, oun leskro čaveha, o Yezous Kristeha.

Debleskri gili 89:15

O čačepen pral i menshende rakreh, oun čačepaskre laba lenge peneh. Doleske ačeh tou o baro ray. An lauter, hoy kreh, dikah tiro lačepen, oun har pash mende rikreh.

Debleskri gili 56:13

Miro Devel, me dom man sovel, te parkrap man pash toute.

Zakarie 13:1

“An ko tsiro nashell i pani an o foro Yerusalem, hoy nashell i menshenge dran o kheer David oun i vavar menshenge an Yerusalem, te thovell lo lengri doosh oun kova krik, hoy kras len pale-čiddo glan mire yaka”, penell o baro Devel.

Jesaja 2:5

T'mer menshe, kay venn pal o Yakob, avenn, te djas o drom, kay o baro Debleskri momeli men sikrell, har te djivas.

Debleskro tsiro 12:11

Mare phrala his zorleder har ko phoukepaskro. O terno bakro, hoy maredo vas, kova thovas lengri doosh peskro rateha tele. Mare phrala sikran i menshende o čačo drom pash o Debleste, ninna te van le doleske maredo.

1. Timoteo 6:16

Yob nay merell gar. Yob djivell kote, kay i momeli yaake zorelo hi, kay kek nay dren djala. O Debles dikas kek mensho, oun kek mensho nay dikell les. Koles vell o tselo raylepen oun i tseli zoor!

Debleskri gili 97:11

I momeli djal pre koleske, kay an o čačepen tardo hi. Oun barhtelo vell kova, kay o čačo drom djal.

1. Johanni 5:8

O Debleskro Dourho, ko pani oun ko rat. Hake triin penenn ko yek koova.

Jakobo 1:17

Lauter, hoy hi mishto oun lačo, vella o Deblestar an o bolepen. Yob kras o kham oun o čon oun i bolepangre momlia. Kolla krenn, te vell dives oun rat, oun yon venn yek tsiro diklo oun i vavar tsiro gar diklo. O Devel hi gar yaake. Yob ačell, har yob hi.

Johanni 1:29

Ap o vavar dives dikas o Yohanni, kay o Yezous pash leste vella. Oun o Yohanni penas: “Dikenn, kava hi o Debleskro bakro, kay lell i menshengri doosh ap peste.

3. Johanni 1:4

Pral kek vavar koova hom yaake barhtelo, har te shounap, kay mire čave ap o čačo drom djana.

Debleskri gili 104:2

Har i baya čival i bari momeli troul toute. Tou tserdal o bolepen bourhlo har i bari plarhta,

2. Johanni 1:4

Me homs barhtelo, kay hatsom menshe t'mendar, kay an o čačepen djivenna, yaake har o Devel, maro dad, kova kamella.

Amos 3:3

O Amos penas: Nay denn pen douy morsha khetne ap i drom, oun kran gar vin, kay te taprenn le pen? Na-a!

Debleskri gili 51:2

har o Debleskro rakepaskro Natan pash leste vas, pal kova o David i vavareskri romyat, i Batsheba, las.

Jesaja 6:7

Oun ko kasht, hoy rhačell, rikras lo ap miro mouy, oun penas: “Dik kava vas ap tiro mouy, oun yaake hounte djas tiri doosh toutar krik, oun ko čilačepen, hoy tou kral, hi toutar krik lino.”

Jesaja 33:24

Oun kek mensho, kay kote djivell, penell bouder: “An mande hi kek zoor.” Oun kol menshe, kay an kava foro djivenn, kolenge hi pengri phagi krik lino.

Mateo 6:12

Oun biste mari doosh, hoy mer ap mende anam! Oun ninna mer bistrah o čilačepen, hoy i vavar ap mende kran.

Tito 2:14

Yob das peskro djipen an o merepen, te las lo mari tseli doosh ap peste, oun te kras lo maro dji djoudjo, te vas mer leskre menshe, oun te kamas i tseli zoryah lačo koova te krell.