1. Johanni 1:4 - O Debleskro Lab 2024 (Sinte-Manouche)

⁴ Kova lauter činah t'menge, te venn mare djia oun t'mare djia pherdo barht.

O Debleskro Drom 2021 (Sinte)

⁴ Kowa lauter tchinah tumenge, te wenn mare djia un tumare djia pherdo bacht.

1. Johanni 1:4 Referans Kwoze

Johanni 15:11

Kova penom me t'menge, te vell miri barht an t'mende yaake baro, har djal gar bareder.

Johanni 16:24

Bis kanna mangan t'mer či an miro lab. Mangenn oun yob dell t'men, te vell t'mari barht yaake bari, bareder djal gar!

2. Johanni 1:12

Me nay penoms t'menge gomme boud. Kova kamau gar lauter an i liil te činell. Shoukeder vals, te nay voms pash t'mende, oun rakroms t'mentsa, te venn mare djia pherdo barht.

2. Korintarja 1:24

Mer kamah te kras t'men barhtelo, oun rodah gar koy pal, te vas raya pral t'maro patsepen. Na-a, mer djinah: T'mer han zoreles an o patsepen tardo.

Efesarja 3:19

ninna te hi leskro kamlepen bareder har lauter, hoy an mare shere dren djala. Te hayvah leskro kamlepen boud oun boudeder, palle djivell o Devel boud oun boudeder an mende.

Johanni 3:29

Koles, kay i pirni hi, ko hi ninna o pirno. Oun o maal ko pirnestar, kay pashel tardo hi, oun shounell o pirneskro gole, hi barhtelo pral kova. Kay barht hi man kanna.

Jesaja 61:10

Me hom barhtelo pral o baro Debleste, oun miro dji givell miro Debleske. Yob hi troul mende har i ripen, te vell kek čilačepen ap mende, oun čivas čačepen ap mende har i plaashka, yaake har hidjrell i biyabeskro i shoukar stadi, oun leskri pirni shoukar verklia oun goustria.

1. Johanni 2:1

Mire čave, me činau t'menge kova, te krenn t'mer kek čilačepen! Oun yek te kras i čilačo koova, yaake hi men i rakepaskro, kay vell ap mari rig oun rakrell mishto menge pash maro dadeste an o bolepen. Kova hi o Yezous Kristo, kay an o čačepen glan o Debleste tardo hi.