Revelesen 9:15 - Nupela Testamen long tokples Mende long Niugini

¹⁵ Karem or mbarik ensel ondon li halashirik limu ira. Os lirin orok li toltangrishirik li liri karem. Orok li linak ma misambik fehe os kraha nalmingrip li halashinak kraha namtas lihi li jimandingormekuna wolo am si nanak li mbashinak livai ika. Undari osik os li mbahandari wolo am si narik li mbashirik limu ira.

Revelesen 9:15 Referans Kwoze

Revelesen 8:7

Urik ensel maifu fiwa orhin or ufunarik ais nga hi nga fi nga li tirsaha misambik li ermberik limu takara. Urik misambi nga mi ama nga krivi nalmingripmbak li eweshirik krivi namtas hi er simu urakora. Uhu mingrimboska amber hom er nga simu urakora.

Revelesen 9:10

Jinyi lihi listavahi jinyi hom nari lir. Fu lihi os man li shishirik niyaka tostava yoko hom entlembale kavan li misindari ondo jinyi yok nandari sir.

Revelesen 9:5

Hako lirin ji mandingormewa hala. Entlembale laka os listava man si shishiwak li misinda hom niyaka tostava yoko hom lirin ji haka.”

Revelesen 8:8

Urik ensel ome lar fiwa orhin or ufunarik telemba laka hom nandari las hi hom si ukruhu solwarak simu layira. Urik solwara nga mbele mbele ol solwarak fehenda nga sip ol solwarak yandari nga krivi nalmingripmbak li eweshirik limu sira. Urik solwara krivi las fikop simu havira. Urik mbele mbele ol solwarak fehenda er limu harakora. Urik sip ondohi krivi las kavak er simu narakora.

Revelesen 8:10

Urik ensel ome lar fiwa orhin or ufunarik tashingra lar mawale hom or ngokishaha ormu ukuk rakara. Tashingra oto hi orhi, “Jeseng anda.” Urik uku amber krivi nalmingrip li eweshirik krivi lasik or takaha uku oson or urik kavak er simu nara. Urik ma musha uku oson li aha er limu harakora.

Revelesen 20:7

Asama 1,000 si ishinak wa akayangan li sutlashinak Laulaka indik tasakwa ri.