Mashi jivi Jisashi Mak or kayeri 9:32 - Nupela Testamen long tokples Mende long Niugini

³² Hako lir mbeek maintontlo os or mbari oson yariri ambu lir. Uhu orin li silinak or sawenak li misikurin limu ajera.

Mashi jivi Jisashi Mak or kayeri 9:32 Referans Kwoze

Mashi jivi Jisashi Luk or kayeri 18:34

Hako ma ol orin tiyandari ondo mashi os or mbari oso maintontlo sihi si wanyishirik mbeek yariri ambu lir.

Mashi jivi Jisashi Luk or kayeri 9:45

Hako mashi os or mbari maintontlo sihi wanyishirik lir mbeek hishiyariri ambu lir. Uhu orin li silikurin limu ajera.

Mashi jivi Jisashi Luk or kayeri 2:50

Hako frir mbeek hishiyariri ambu vri, os fririn or mbari mashin.

Mashi jivi Jisashi Jon or kayeri 16:19

Jisas am orin li silikmbaha li hishiri oson or heyehe ormu mbara, “Jir jihi ambek mashi os a mbawa, a inak mbeek anin heyekwa ambu jir. Uhu kandakar nga ji linak indik a ranak ji heyekwa nir, karem a mbawa maintontlo sihin jimu hishakashandu?

Mashi jivi Jisashi Jon or kayeri 12:16

Hako oso wolo Jisasin tiyandari ma ondo mbeek mashi os erem Jisasin si mbarin yariri ambu lir. Hako or haha indiyok or usahari wolokop mashi os profet oto or kayeri oson indik li hishiyariri lir, profet oto or mbari Jisasin mbari ri.

Mashi jivi Jisashi Mak or kayeri 9:10

Urik mashi oson wavu lihikop li ewehe lihi ambek limu anasawera, “Mashi Ma Jikisi Avui Wasilakahi os mawan or halaha indiyok or usahakwa mashi oso mberemhi mashi sir?”

Mashi jivi Jisashi Jon or kayeri 4:27

Jisas karem or mbarik ol orin tiyandari ma ondo indik limu rara. Li raha li heyeri Jisas nokove oso nga frimu maimbara. Urik wavu musha mushak limu hishira. Hako lir mbeek sirin siliri ambu lir, “Mbele nyi lakmbaha nyi taw?” Uhu Jisasin er nga siliri ambu lir, “Mberem ushiwak nokove toso nga mi maimbandu?” Karem siliri ambu lir.

Mashi jivi Jisashi Luk or kayeri 24:45

Uhu maintontlo os Avui Wasilakahi jekambak nandarin armek li hishikmbaha

Mashi jivi Jisashi Mak or kayeri 16:14

Ma 11-pela ondo aka lasik li lihi li arik kolok Jisas mu talara. Or talaha lirin ormu mbara, “Jir mberem ushiwak os indiyok a usahawa mashi oson li sawewan ji misiwa ambu? Wavu jihi fenjeshiwak anin ji hishiowenda osmu mendek nandu?”

Mashi jivi Jisashi Mak or kayeri 8:33

Urik Jisas or tormblehe ma ol orin tiyandari ondon or heyehe ormu Pitan ngriara, “Laulaka mir haisi! Mashi os mi mbawa oso mbeek Avui Wasilakahi mashi ambu sir, wahau. Oso mashi tol misambik fehe lihi mashi sir.”

Mashi jivi Jisashi Mak or kayeri 7:18

Urik ormu mbara, “Jir nga jimu hishandu? Mbele mbele ol hikri yok nahandak akomek layiwa ondo mbeek man uwak kavak nanda ambu lir, wahau.