Mashi jivi Jisashi Mak or kayeri 7:13 - Nupela Testamen long tokples Mende long Niugini

¹³ Hako os erem ji mbanda nombo orok mashi Avui Wasilakahi si mbahanda nombon ji lai halaha neloko jihi li mbanda nombo yejen os jimu tiyanduwa. Uhu mbele mbele orokop ji uhu mashi Avui Wasilakahi os jimu tirna halanduwa.”

Mashi jivi Jisashi Mak or kayeri 7:13 Referans Kwoze

Mashi jivi Jisashi Mak or kayeri 7:9

Uhu mashi las nga ormu sawera, “Jir arme mendek mbafirimbanda ma jira. Jir mbele mbele os Avui Wasilaka or mbari mashin ji mblarna ermbeshihi neloko jihi unda nombon os jimu tiyayanduwa.

Taitus 1:14

Judama waskavu lihin li sawewan li misiwan li halaka. Uhu ma ol mashi omen mblarnanda ma ondo mbele mbele ol lirin li mbaskashiwak li uwan li halaka.

Mashi jivi Jisashi Mak or kayeri 7:3

Mberem ushirik? Farisi ondo nga Judama amber nga neloko avoko lihi nombon li tiyaha mbeek tavatle nga tolo andari ambu lir.

Matyu 15:6

Hako os erem ji mbanda nombo orok mashi Avui Wasilakahi si mbahanda nombon ji laihalaha neloko jihi li mbahanda nombo yejen jimu tiyanduwa.

Galesia 5:21

wapkava hishinda, uku kavan aha ambarambasihi ushandashi yanda, uhu kavakavak nanda lal ngana. Angop jirin mas a sawenda hom os amu jirin indik sawenduwa, ji auheyeka, erem unda ma ondo mbeek Avui Wasilakahi yanga jivi orok layikwa ambu lir, wahau.

Mashi jivi Jisashi Mak or kayeri 7:5

Urik Jisasik li taha limu silira, “Mberem ushiwak mirin tiyanda ma tondo tavatle nga li tolo andu? Oso kava sira. Mbeek neloko avoko nihi mbari nombon li tiyanda ambu sir.”

Mashi jivi Jisashi Mak or kayeri 7:14

Uhu Jisas ma ondon or usharik li talarik normu sawera, “Mashi anhi kason armek ji misihi ji yarika.