Mashi jivi Jisashi Mak or kayeri 5:35 - Nupela Testamen long tokples Mende long Niugini

³⁵ Jisas or sihi maimbari halanganga Jairushi akak fehendari ma lal li raha orin limu sawera, “Jikisi mihi angop hawa sir. Hako Jisas avak semben mi mbaha laha shi inda ngashi.”

Mashi jivi Jisashi Mak or kayeri 5:35 Referans Kwoze

Mashi jivi Jisashi Luk or kayeri 8:49

Mashin or mbari halanganga Jairusnjik lerawun landari ma lar or taha ormu sawera, “Jikisi mihi angop hawa sir. Las avak Jisas sembe mi mba laha shi inda ngashi.”

Mashi jivi Jisashi Jon or kayeri 11:39

Urik Jisas ormu mbara, “Sunja laka oson ji tembeka!” Urik Marta mu mbara, “Wasilaka, niri tovro kavrok angop wak wari or te. Kuva avak kavak nakwa re.”

Mashi jivi Jisashi Jon or kayeri 11:28

Urik Marta indik akak si layihi mayam Maria nom simu sawera, “Jisas angop rawa ri. Uhu nyirin heyekwak ormu mbanduwa.”

Mashi jivi Jisashi Jon or kayeri 5:25

Omendingak jirin amu sawenduwa, kumak avak Avui Wasilaka jikisi orhi oto or mbanak ma ol hahandari ondo amber mashi orhin misihi usahakwa lir. Uhu ma ol mashi orhin misindiyanda ondo nom ermba ermbak lindan lakwa lira.

Mashi jivi Jisashi Mak or kayeri 10:17

Jisas yanga oson or halaha or ikmba urik ma lar orhik or shirinya raha Jisas siri mishik pasir or taha kumbambongon or huvuhu ormu silira, “Mir tisa jivi mira. Anin sawenak a misi, mberem a uhu os ermba ermbak linda oson avai laku?”

Mashi jivi Jisashi Mak or kayeri 5:22

Urik ma lar er nga Jisasin heyekurik ormu tara. Hi orhi Jairus, Judama lotu undari akan washilindari ma ria. Or taha Jisasin nor heyehe kumbambongo orhin Jisashi kumbamuk ormu huvura.

Mashi jivi Jisashi Jon or kayeri 11:32

Urik Maria Jisasin si heyehe kumbamu orhik si raka lihi simu mbara, “Wasilaka, os torok mi lirikop mundala anhi mbeek hari ambu ri.” Karem si mbaha simu tlara.

Mashi jivi Jisashi Jon or kayeri 11:25

Urik ormu mbara, “Ma ol mashi anhin misindiyawa ma ondo os li hawa masikome lihi mbeek hakwa ambu lir, ermba ermbak likwa lir. Antonom ol hahandan a mbanak indiyok usahakwa lir. Uhu ermba ermbak linda oson a hakwa lir.

Mashi jivi Jisashi Jon or kayeri 11:21

Am si i heyehe simu mbara, “Wasilaka, os torok mi lirikop mundala anhi mbeek hari ambu ri.

Matyu 26:18

Urik ormu mbara, “Jerusalemik ji ihi ma lar ji i heye orin ji sawe ji mba, Tisa or mba, “Anin li jikmbaha li mbahanda wolo osmu pasir nanduwa. An nga ol anin tiyandari ma nga aka mihik hiyawu Pasovan ni akwak amu hishinduwa.” ”

Matyu 9:18

Jisas mashin or sawerako namber Judama li lotu undari akan washilindari ma lar orhik or taha kumbambongon or huvuhu ormu tlara, “Jikisi anhi angop hawa sir! Hako mi raha tava mihin hauowehe mbanak si usahaka.”

Matyu 26:10

Urik Jisas ormu mbara, “Mberem ushiwak toso kavan ji ngriandu? Sir anin armek uwa sir.