Mashi jivi Jisashi Mak or kayeri 1:35 - Nupela Testamen long tokples Mende long Niugini

³⁵ Nirsumbu mendek Jisas aka os or wari oson or halaha Avui orhin or sawekurik ma ngashi mishi ambu orok ormu ira.

Mashi jivi Jisashi Mak or kayeri 1:35 Referans Kwoze

Mashi jivi Jisashi Luk or kayeri 6:12

Oro wolok Jisas Avuin or sawekurik telemba lasik ormu lawura. Uhu nor sawehe ihi er simu harara.

Efesus 6:18

Uhu kwambu Masikome Avui Wasilakahik ermba ermbak Avui Wasilakan ji saweka. Jir avak kwambuk ji sihi mbele mbele amber ol ji hishiwan orin ji sawenak avak jirin or jelyaka. Ermba ermbak ji auheyehe ji sihi orin ji sawenak orhi ma amber ondon or jelyashinak kwambuk li sika.

Mashi jivi Jisashi Luk or kayeri 5:16

Hako hindi mushak man or halaha misamtelmbamba orok Avui Wasilakan or sawekmbaha indari ri.

Hibru 5:7

Jisas misambi torok mak or naha nor liri wolo Avui orhin or beten uhu tlaha siliri ria. Ushinak orin li mandingormekurin li halakmbahan. Orhinjik or hafakaha nombo os Avui orhi mbari hom or uri osik mashi os or sawerin misiri ri.

Mashi jivi Jisashi Jon or kayeri 6:15

Hako Jisas mashi os orin li toloho orin li mbashinak malakamak or najehe li mbari angop or heyeri sir. Uri osik yanga oson or halaha ortonom indik telembak ormu lawura.

Matyu 14:23

Karem or mbaha ma ondon or mbashirik li irik ortonom Avui orhin sawekurik telembak ormu lawura. Uhu am si krinyarik nendekop orok ormu lira.

Filipai 2:5

Jir avak wavu jihi os Krais Jisas hishinda hom ji hishihi ji lika.

Mashi jivi Jisashi Jon or kayeri 4:34

Urik ormu mbara, “Avui anhi or mbashirik a raha lerawu orhin amu landuwa. Mbele mbele or mbawa hom a landa nir. Lerawu os a lawa oso akwa anhi hom nanda sir.

Matyu 14:13

Jisas mbele mbele os Jonhik talarin or misihi yanga oson or halaha bot lasik or lawuhu nendekop ma ngashi ambu mishi orok ormu ira. Hako hulaima nokopma os or iri mashin li misihi os or ikuri mishi nombo yok li eskoroho limu ira.

Mashi jivi Jisashi Mak or kayeri 1:36

Am si hararik Saimon nga ma lal nga Jisasin limu lasa ira.