Mashi jivi Jisashi Mak or kayeri 1:34 - Nupela Testamen long tokples Mende long Niugini

³⁴ Urik or mbarik jivik limu nara. Uhu wasimalengamba ol ma ondon tolondari ondon or mbarik limu tulu ira. Wasimalengamba ondo angop li heyeri ri, Jisas Avui Wasilakahi jikisi indingo oria. Karem urik or mbashirik mbeek maimbari ambu lir.

Mashi jivi Jisashi Mak or kayeri 1:34 Referans Kwoze

Mashi jivi Jisashi Luk or kayeri 4:41

Uhu nor mbarik wasimalengamba ondo orin li heyehe limu mbara, “Mir Avui Wasilakahi jikisi mira.” Karem li mbaha jisuwuhu ma ol li tolondari ondon li halaha limu ira. Wasimalengamba ondo, Jisas Avui Wasilaka mbashirik taha hulaima nokopman jivinakunda ma ri, karem angop heyeri lir. Uri osik mashi oson li mbakurin ormu pantlera.

Mashi jivi Jisashi Mak or kayeri 3:12

Karem li mbarik Jisas mainkwambu mendek hi orhin kormbak li sawekurin ormu pantlera.

Matyu 4:23

Jisas yanga yanga os provins Galilik nanda mishik ormu yara. Uhu aka os Judama li lotu undari mishik or layihi mashi os Avui Wasilaka lirin or arangoshinak jip li likwa mashi oson ormu sawera. Uhu ma ol silawala kavamisindarin or mbarik jivik limu nara.

Mashi jivi Jisashi Mak or kayeri 1:25

Karem or mbarik Jisas wasimalengamba orton mainkwambuk ormu mbara, “Mir maimbawa hala! Kolok ma oton halaha tala ika!”

Matyu 4:24

Urik mashi os Jisas or mbarik jivik li nari mashi oso simbalesik yanga Siriak si irik amber hom limu mistakora. Urik ol kavamisihi tashiyandari ondo nga wasimalengamba tolondari nga ma ol kwarngarnaha misambik takatukuyinda ondo nga ma ol kumbanash tavanashindari nga orhik li lahararik or mbarik jivik limu nara.