Matyu 9:6 - Nupela Testamen long tokples Mende long Niugini

⁶ Avak a mukunak ji heyekwa sir, Ma Jikisi Avui Wasilakahi oto kavakava ma undan or yoko ermbendahi sir.” Karem or mbaha ma oton ormu mbara, “Mir usasihi teye mihin laha aka mihik ika!”

Matyu 9:6 Referans Kwoze

Matyu 9:5

Mberem ji hishindu, kavakava ma roto undan a yoko ermbendahi os mo orin a mbanak jivik nandahi or? Hako mberem a undahik ji hishindu?

2 Korin 2:10

Os ma lar kavakavan or uwan ji mba, “Kavakava os mi unda oso Avui Wasilaka angop or laha ermbewa osik nir er nga mbeek indik kavakava mihi oson ni hishihi ni mbakwa ambu nir,” karem ji mba nahi, an er nga os ji mbawa hom a mbakwa nir. Krais mbawa hom ma oton erem a uwa oso jirin si jelyashinak ma oto nga ji waphimbiji likmbaha na uwa sir.

Kolosi 3:13

Uhu os ma lal mbele las jirin li unak sunguwavu jihi kavak si na nahi, mayam ji lika. Uhu os mbele kava las li unak lirin ji wapkava hishi nahi, kolok wasan ji ngriawa hala. Wasilaka kavakava jihin angop or yoko ermberi sir. Uhunda hom jir nga erema, ma ol jirin kavakavan unda ma nga ji anatavatoloho wavu jihi nga ji mba, “Am nawa kava sir,” karem ji mbaka.

Efesus 4:32

Hako jir nga nakrem Jisasin hishindiyanda man ji wapjip hishihi sunguwavu jihi mende nga lirin armek ji uka. Os Avui Wasilaka kavakava jihin lerawu os Krais lahanda orok or yoko ermbenda hom, ma ol jirin kavakavak uwan, jirin Avui Wasilaka or uhunda hom lirin erem ji uka.

2 Korin 5:20

Unda osik Krais nirin or kamashihindak orhi farniyik ni sihi mashi orhin nimu sawenduwa. Mashi os ni sawenda oso Avui Wasilaka jirin kwambuk or sawekmbaha os or sauhawa hom ni sawenda nir. Mashi os ni sawenda oso Kraishi mashi sir. “Avui Wasilakahi wutarik nanda nombon ji halaha or nga ji waphimbiji lika,” karem ni sawenda nir.

Aposel 9:34

Pita orin or heyehe ormu sawera, “Ainias, ter Jisas Krais unak jivik nakwa mir. Uwa osik mi usaha jeyengawu mihin armek oweka.” Karem or mbarik kolok lewas ormu usara.

Aposel 5:31

Uhu angop or lalawushihindak ormu tapmama orhiyok linduwa. Uhu malakamak or naha nirin jivinakwa mak ormu nanduwa. Uhu nir Israelik fehendan or jelyashinak sunguwavun ni tormblenak kavakava nihi avak or yoko ermbekmbahan.

Mashi jivi Jisashi Jon or kayeri 17:2

An maifuk a sikmbaha mi mbari ona. Ushinak maifuk a sihi os ermba ermbak lindan ma ol anin mi hahanda ondon a hakwa nira.

Mashi jivi Jisashi Jon or kayeri 10:28

Unda osik ermba ermbak linda oso avak lirin a hakwa sir. Ushinak lihi lal mbeek haha mendek nakwa ambu lir, wahau. Ma lal mbeek lirin tavarenje anhik masna laha ikwa ambu lir.

Mashi jivi Jisashi Luk or kayeri 5:21

Karem or mbarik mashi Moseshin sawendari ma nga Farisi ondo nga mashi oson li misihi lihi ambek limu mbara, “Ma toto lawe toria? Toto Avui Wasilakahi farniyik sikwak mbandar? Ma lar mbeek kavakava ma undan laha ormbendahi ambu ri. Oso lerawu Avui Wasilakahi sir.”

Mashi jivi Jisashi Mak or kayeri 2:10

Wa, avak a mukunak ji heyekwa sir, Ma Jikisi Avui Wasilakahi kavakava ma undan yoko ermbendahi ri.” Karem or mbaha ma orton or heyehe ormu mbara,

Mashi jivi Jisashi Mak or kayeri 2:7

“Mberem ushiwak ma roto mashi toson or mbanduwa? Wa, Avui Wasilakahi farniyik or sikwak ormu mbandu? Wahau, ma lar mbeek kavakavan laha ermbendahi ambu ri. Oso lerawu Avui Wasilakahi sir.” Karem hishiri lir.

Matyu 8:20

Urik ormu mbara, “Asa tarmbe wa ngashi lir. Avi aviwusi ngashi lir. Hako Ma Jikisi Avui Wasilakahi aka os or wakwa mishi nga nanda ambu ri.”

Matyu 4:24

Urik mashi os Jisas or mbarik jivik li nari mashi oso simbalesik yanga Siriak si irik amber hom limu mistakora. Urik ol kavamisihi tashiyandari ondo nga wasimalengamba tolondari nga ma ol kwarngarnaha misambik takatukuyinda ondo nga ma ol kumbanash tavanashindari nga orhik li lahararik or mbarik jivik limu nara.

Matyu 9:2

Urik ma lar kumba tava nashindarin teyek li ewehe orhik limu kisha laharaha limu hishira, “Avak or mbanak jivik nakwa ri.” Karem limu hishira. Jisas os li hishiri oson angop or heyeri sir. Uri osik ma oton ormu mbara. “Jikisi anhi, ajewa hala! Kavakava mihi angop a laha ermbewa sir.”

Matyu 9:7

Karem or mbarik ma oto or usasihi aka orhik ormu ira.

Mashi jivi Jisashi Jon or kayeri 5:8

Urik Jisas ormu mbara, “Usaha kawu mihin laha ika!”

Mashi jivi Jisashi Jon or kayeri 5:27

Ma or hulaima nokopma mbele mbele ol li undan heyembakwa ma Ma Jikisi Avui Wasilakahi oria.