Matyu 5:18 - Nupela Testamen long tokples Mende long Niugini

¹⁸ Omek jirin amu sawenduwa, lersuwu nga misambi nga mendek nakwa vri. Hako lo Avui Wasilakahi, wahau. Os si nanda hom er si naha inak mbele mbele amber mendek nakwa lir.

Matyu 5:18 Referans Kwoze

Mashi jivi Jisashi Luk or kayeri 16:17

Lersuwu nga misambi nga avak mendek nakwa vri. Hako mashi Avui Wasilakahi mbeek mendek nakwa ambu sir. Ermba ermbak er nakwa sir.”

1 Pita 1:25

Hako mashi Avui Wasilakahi ermba ermbak er nakwa sir.” Aisaia 40:6-8 Undari mashi jivi kason li sawerik ji misiri sir.

Mashi jivi Jisashi Mak or kayeri 13:30

Omendingak jirin amu sawenduwa, ma ol ter liwa lihi lal li ha namber mbele mbele ondo ralakwa lir.

Revelesen 20:11

Urik a heyerik, ma lar sia king avisha orok or lirik amu heyera. Urik lersuwu nga misambi nga mendek frimu nara.

Mashi jivi Jisashi Jon or kayeri 5:19

Urik Jisas lirin ormu sawera, “Omendingak jirin amu sawenduwa, an mbeek anhinjik mbele las a undahi ambu nir. Mbele mbele os Avui anhi uwak a heyewa ondo nom a unda nir. Mbele mbele ol or unda an erem, a undahi lir.

Matyu 17:20

Urik ormu sawera, “Mashi anhin ji misindiyanda nombo kandakar mende jihik nawa ambu sir, wahau. Uwosik mberem ji mbawak jivik nandahi ambu ri. Hako omek amu sawenduwa, os anin ji hishiowenda nombo jihi awarikanda mastet siji hom si na nahi, ambehoma, telemba roson ji mba, “Telemba nyir usa ika!” karem ji mba nahi, si usa indahi sir. Uhu mbele mbele os ji ukwak si nawa avak er ji undahi sir.” [

Matyu 16:28

Omendingak jirin amu sawenduwa, ma tol torok siwa lal li ha namber avak li heyenak Ma Jikisi Avui Wasilakahi malakamak or naha ranak li heyekwa ria.”

Matyu 10:23

Yanga os ji liwa mishi orok os jirin kavakavak li u nahi, yanga anandik ji tulu ika. Omendingak jirin amu sawenduwa, yanga yanga Israelik fehenda orok lerawun ji larako namber Ma Jikisi Avui Wasilakahi takwa ria.

Matyu 6:2

Uwosik mbele las erndakavan ji hakwa wolo avak kormbak larasa tolonak ma li misihi hi jihin li hauowewa hala. Men mayam siyok wayok ji haka. Hako lal erem unda ambu lir. Li hawa wolo li toko ushawak, ma amber haus lotuk mo os li tirsanda mishik li ralandirsaha li heyewak, handa lir. Jirin amu sawenduwa, ol erem unda ma angop wasa lihin lawa lir.

Matyu 5:26

Omek jirin amu sawenduwa, ya os ji hakmbaha li mbawa hom ji ha nahi ambu, mbeek indiyok hikrik talakwa ambu jir.”

Mashi jivi Jisashi Jon or kayeri 21:18

Uhu mashi las nga ormu mbara, “Saimon, omendingak mirin amu sawenduwa, os ermbasik mi nari wolo os mi ikurik mi hishiri nombo hom yandari mira. Hako os avoko lakak mi nawa wolo ma lal avak li taha tava mihin li tatoloho yanga os mi ikwak mi hishiwa mishi ambu orok li laha ikwa mira.”

Mashi jivi Jisashi Jon or kayeri 16:23

Hako oro wolok mbeek mbele mashi las anin silikwa ambu jir. Omendingak amu sawenduwa, mbele las hi anhik Avuin ji siliwa avak or hakwa lir.

Mashi jivi Jisashi Jon or kayeri 16:20

Omendingak jirin amu sawenduwa, jir avak mbele mbele ol anhik talakwan ji heyehe ji tlaholokwa jir. Hako ma misambik fehe avak rupshikwa lir. Hako kumak os indik a tanak anin ji heyewa wolo os ji tlaholowa oso avak mendek nakwa sir. Unak oro wolok ji rupshikwa sir.

Mashi jivi Jisashi Jon or kayeri 14:12

Omendingak jirin amu sawenduwa, ma or mashi anhin misindiyawa ma oto avak lerawu os a lawa himin lakwa ri. Uhu lerawu or lawa avak lerawu os a lahandan tikrikwa sir. Mberem ushiwak? An avak Avuihik a lawukwa nir.

Mashi jivi Jisashi Jon or kayeri 13:38

Urik ormu mbara, “Mir anhi farniyik mi hakwak mimu mbandu? Omendingak mirin amu sawenduwa, avak nirik aptoko or mba namber, mir avak hindi nalmingrip, “An Jisasin a heyenda ambu nir,” karem mbakwa mir.” Karem ormu Pitan sawera.

Mashi jivi Jisashi Jon or kayeri 13:16

Omendingak jirin amu sawenduwa, ma or malakamanjik lerawun landa ma oto mbeek malakama orhin tikrihi hausinda ambu ri. Uhu mashin lahara sawenda ma oto mbeek mainhanda man tikrihi hausinda ambu ri.

Mashi jivi Jisashi Jon or kayeri 12:24

Omendingak jirin amu sawenduwa, os wit siji las misambik si rakana ambu nahi, mbeek ome nga nakwa ambu sir. Avak siji oso nom er wakwa sir, mbeek ome nga nakwa ambu sir. Hako os siji oso si rakaha si tungua rasa nahi, akwa ome nga mushak nakwa lir.

Mashi jivi Jisashi Jon or kayeri 10:7

Urik ormu mbara, “Omendingak jirin amu sawenduwa, sipsip ondo akayanga lihi anira.

Mashi jivi Jisashi Jon or kayeri 10:1

Uhu Jisas mashi las nga ormu mbara, “Omendingak jirin amu sawenduwa, hirnyanda ma ondo os sipsip linda mishi orok li layiwa mbeek akayangak layinda ambu lir. Men inyin tarvlokoho layinda lir.

Mashi jivi Jisashi Jon or kayeri 8:58

Urik ormu sawera, “Omendingak jirin amu sawenduwa. Abraham or na namber, an angop maskop er a nahandari nir.”

Mashi jivi Jisashi Jon or kayeri 8:51

Omendingak jirin amu sawenduwa, ma or mashi anhin misindiyawa ma oto mbeek hakwa ambu ri, wahau.”

Mashi jivi Jisashi Jon or kayeri 8:34

Urik ormu mbara, “Wahau, kavakava os ji unda oso kuvu hom jirin si ishintleshiwak sihi siyok sinda jir.

Mashi jivi Jisashi Jon or kayeri 6:53

Urik Jisas mu lirin sawera, “Omendingak jirin amu sawenduwa. Os maome anhi nga fi anhi nga ji ana ambu nahi, jir mbeek ermba ermbak lindan lakwa ambu jir.

Mashi jivi Jisashi Jon or kayeri 6:47

Omendingak jirin amu sawenduwa, ma or mashi anhin misindiyawa ma oto ermba ermbak lindan lakwa ria.

Mashi jivi Jisashi Jon or kayeri 6:32

Urik Jisas mu mbara, “Omendingak jirin amu sawenduwa, Moses mbeek akwa oson misumu walanga jihin hari ambu ri, wahau. Ma or akwa omendingan handa ma oto Avui anhi ri. Or akwa yanga jivik fehendan jirin handa ria.

Mashi jivi Jisashi Jon or kayeri 6:26

Urik ormu mbara, “An akwan jirin a harik ji aha sungu tuvahanda osik os jimu anhik tanduwa. Hako jir mbeek os a urin yariri ambu jir.

Mashi jivi Jisashi Jon or kayeri 3:11

Omendingak mirin amu sawenduwa, mbele mbele os ni heyenda nga os ni misinda nga nimu sawenduwa. Hako jir mbeek mashi os ni mbawan misinda ambu jir. Mashi oson ji kumasinda sir.

Mashi jivi Jisashi Jon or kayeri 3:5

Karem or mbarik ormu mbara, “An mbeek nijavahi sunguk mi layinak indik si wakwa mashin a mbawa ambu nir. Mashi os a mbawa karem, os ma lar uku nga Masikome Avui Wasilakahi nga ma akrik or nana ambu nahi, or mbeek Avui Wasilaka yanga orhi orok ikwa ambu ri, wahau.

Mashi jivi Jisashi Jon or kayeri 3:3

Karem or mbarik Jisas ormu mbara, “Omendingak mirin amu sawenduwa, os ma lar ma akrik or nana ambu nahi, or mbeek yanga os Avui Wasilaka hulaima nokopman or arangoshinak orhi siyok li sikwa yanga orok ikwa ambu ri.”

Mashi jivi Jisashi Jon or kayeri 1:51

Uhu mashi las nga ormu mbara, “Kumak ji heyenak lersuwu akayanga avak sutlakwa sir. Unak ji heyenak Avui Wasilakahi ensel ondo metenjek li laulawuhu takakwa lir, os Ma Jikisi Avui Wasilakahi oto or siwa mishi orok.”

Mashi jivi Jisashi Luk or kayeri 23:43

Urik Jisas mu orin sawera, “Omendingak mirin amu sawenduwa. Mir ter an nga hevenik shi likwa mir.”

Mashi jivi Jisashi Luk or kayeri 18:29

Urik ormu mbara, “Omendingak jirin amu sawenduwa. Ma ol Avui Wasilaka ma orhin or arangoshinak li likunda mashin sawe ikmbaha anin tiyanda ma ondon Avui Wasilaka armek or ukwa lir. Mbele mbele aka, nokove, mahasanje, avoko nijava, jikisi lihin li halanda ondohi farniyik misambi torok li liwa wolo warje nga nor hakwa lir. Undanak kumak ermba ermbak linda oson lakwa lir,” karem ormu mbara.

Mashi jivi Jisashi Luk or kayeri 18:17

Omendingak jirin amu sawenduwa. Os jikisakri kanda rondo hom ji naha kraha Avui Wasilakahik ji si nahi ambu, jir mbeek yanga jivik i layikwa ambu jir, wahau.”

Mashi jivi Jisashi Luk or kayeri 13:35

Ji misi. Yanga jihi avak kavak nakwa sir. Jirin amu sawenduwa. Jir avak anin indik heyekwa ambu jir. Er ji lihi ji nikishifuhu ji mba, “Halanak Avui Wasilaka ma or hi orhik tawan armek or uka.” Karem ji mbana wolokop anin indik heyekwa jir.”

Mashi jivi Jisashi Luk or kayeri 12:37

Malakama oto mbele wolok or taku? Nirkundik or taku mo harakunak aptoko maifuk or mbanak or taku mo, os or taha or heyenak ol ornjik lerawun landa ma er li lihi li suknyana ambu nahi, avak lirin armek ukwa ri. Uwa osik li rupshika. Omendingak jirin amu sawenduwa, malakama oto avak lirnjik hiyawu laka las or uhu nor humasishinak akwa lir.

Mashi jivi Jisashi Mak or kayeri 14:30

Urik Jisas mu orin sawera, “Omendingak mirin amu sawenduwa, ter nirik aptoko hindi frijip or mba namber, mir avak hindi nalmingrip anin mi heyenda ambu, karem mbakwa mira.”

Mashi jivi Jisashi Mak or kayeri 14:25

Omendingak jirin amu sawenduwa, an mbeek wain ukun indik a akwa ambu nir. Hako ihi nom kumak yanga Avui Wasilakahikop wain uku akrin a akwa nir.”

Mashi jivi Jisashi Mak or kayeri 14:18

Am li lihi aha Jisas mu mbara, “Jir lar avak anin tavarenje wutarihik hakwa ri. Ma oto an nga nakrem shimu anduwa.”

Mashi jivi Jisashi Mak or kayeri 14:9

Omendingak jirin amu sawenduwa, kumak yanga yangak mashi jivi anhin li laha sawehe os si unda nga li sawenak ma amber li misihi sirin hishikwa lir.”

Mashi jivi Jisashi Mak or kayeri 12:43

Urik Jisas oson or heyehe ma ol orin tiyandari ondon ormu sawera, “Omendingak jirin amu sawenduwa, mumbla toso ya wasilaka mendek hawa sira. Ya op si hawa ma anandi ondo hawan tikriwa sir. Mberem ushiwak?

Mashi jivi Jisashi Mak or kayeri 11:23

Omendingak jirin amu sawenduwa, os wavu frijip frijip ji hishina ambu nahi, os ji mba, “Telemba nyir usaha fa lakak layika.” Karem ji mba nahi, si usa indahi sir.

Mashi jivi Jisashi Mak or kayeri 10:29

Karem or silirik Jisas mu mbara, “Omendingak jirin amu sawenduwa, ma ol anin tiyakwak hishiwa ma ondo mbele mbele lihi, aka, mahasanje, jikanoka, avoko nijava, jikisi, nowe lihi nga li halaha anin li tiya nahi,

Mashi jivi Jisashi Mak or kayeri 10:15

Omendingak jirin amu sawenduwa, os ma lar Avui Wasilakahi krahak or sikwak or hishi nahi, jikisakri tondo hom or naka. Os lir hom or nana ambu nahi, or mbeek Avui Wasilakahi krahak sikwa ambu ri, wahau.”

Mashi jivi Jisashi Mak or kayeri 9:41

Os ma lar jirin or heyehe mba, “Ma rondo Jisasin tiyanda ma tolira.” Karem or mbaha uksembe kas or hanak ji a nahi, omendingak amu jirin sawenduwa, os or uwa oso Avui Wasilaka mbeek or hishakwa ambu ri, wahau. Kumakop wasan or hakwa ri.”

Mashi jivi Jisashi Mak or kayeri 9:1

Ushihi mashi las nga Jisas ormu mbara, “Omendingak jirin amu sawenduwa, torok siwa lal li ha namber avak Avui Wasilaka os lirin or arangoshinak li likwa oso kormbak si talanak heyekwa lir.”

Mashi jivi Jisashi Mak or kayeri 8:12

Karem li mbarik Jisas wavu orhi am kavak si narik ormu mbara, “Jir mberem ushiwak mbele las a unak si talanak ji heyekmbaha ji mbandu? Omendingak jirin amu sawenduwa, an mbeek mbele las a unak heyekwa ambu jir, wahau.”

Mashi jivi Jisashi Mak or kayeri 6:11

Hako os mashi os ji sawewan li turaha jirin armek li u nahi ambu, yanga oson ji halaha kumba jeren ji narka lafakaha ji ika. Ushinak lir avak li hishihi li mba, “Nir angop mbele kava las ni uwa nir,” karem li mbaka.”

Mashi jivi Jisashi Mak or kayeri 3:28

Uhu ormu mbara, “Jirin amu sawenduwa, mbele mbele kavakava ma li unda nga okolenda mashin li mbanda nga Avui Wasilaka or laha ermbekwa lir.

Matyu 25:45

Urik ormu mbara, “Omendingak jirin amu sawenduwa, mbele mbele ol erndakava anhi ondon ji ukurin ji halari anin ji ukurin jimu halari sira.”

Matyu 25:40

Urik ormu mbara, “Omendingak jirin amu sawenduwa, mbele mbele ol erndakava anhi ondon ji uri oso anin jimu uri sira.”

Matyu 25:12

Karem li mbarik ormu mbara, “An mbeek jirin na heyenda ambu nir.” ”

Matyu 24:47

Omendingak jirin amu sawenduwa, malakama avak orin or mbashinak mbele mbele orhi ondon washilikwa ri.

Matyu 24:2

Urik ormu mbara, “Aka tondo jivi lira. Hako omendingak jirin amu sawenduwa, aka mbele mbele tol ter ji heyewa ondo kumak avak wutari li taha jila tarvlalarakokwa lir.”

Matyu 23:36

Omendingak jirin amu sawenduwa, mbele mbele kava os neloko jihi uhundari hom ter os jimu unduwa. Karem uwosik Avui Wasilaka fi lihi ngorori wasan avak or jinak fi ngorokwa jir.”

Matyu 21:31

Jir mberem ji hishindu, mahasanje ovron a mbawan, lawe mende avokohi mashin misir? Sanjelakan mo mahakandan?” Karem or silirik limu mbara, “Sanjelaka na.” Urik ormu mbara, “Os jimu omek mbanduwa. Hako ji misi, takis yan landa ma nga hulatolhakanda nokove nga lir avak jirin li tikrihi maifuk Avui Wasilakahi kuyanga orok layikwa lir. Mberem ushiwak? Jon nombo os sunguwavun ji tormblehe Avui Wasilakahik ji rakuri nombon jirin mukuri ora. Hako jir mbeek mashi orhin misiri ambu jir. Hako kavakavan unda ma ondo mashi orhin misiri lir. Jir angop ji heyeri lir, mashi orhin li misirin. Hako jir mbeek wavu jihin tormblehe os lir uri hom uri ambu jir. Karem uhunda osik lir avak jirin li tikrihi masmas Avui Wasilakahi kuyanga orok layikwa lir.”

Matyu 21:21

Urik ormu mbara, “Jirin amu sawenduwa, os mashi Avui Wasilakahin ji misindiyaha wavu frijip frijip ji hishina ambu nahi, tos a uwak ji heyewa hom ji undahi sir. Hako oso nom nembes. Os telemba las ji mbanak si mblihi solwarak si raka, karem ji mba nahi, os ji mbawa hom nakwa sir.

Matyu 19:28

Karem or silirik ormu mbara, “Omendingak jirin amu sawenduwa, Ma Jikisi Avui Wasilakahi oto mbele mbele indiyok or unak akrikop li nakwa wolo kwambu orhi kormbak talakwa sir. Uhu malakamak nakwa ri. Unak jir erem or nga nakrem os or liwa mishik likwa jir. Uhu Israelik fehenda kraha 12-pela ondo mbele mbelen li uhundan heyembakwa jira.

Matyu 19:23

Or ishirik Jisas ol orin tiyandari man ormu sawera, “Omendingak jirin amu sawenduwa, mbele mbele nga mushak nanda ma ondo Avui Wasilakahi siyok li sikmbaha li hishiwa anala mendekwa lir.

Matyu 18:18

Jirin omek amu sawenduwa, os hulaima nokopma kavakava ol li undan li sawenak ji mba, “Avui Wasilaka kavakava jihin laha ermbekwa ri.” karem ji mba nahi, erem ukwa ri. Hako os ji mba, “Wahau,” karem ji mba nahi, or er nga erem mbakwa ri.

Matyu 18:3

Urik ormu mbara, “Omendingak jirin amu sawenduwa, os sunguwavu jihin ji tormblehe jikisakri roto hom ji nana ambu nahi, jir mbeek Avui Wasilakahi yanga orok ikwa ambu jir.

Matyu 11:11

Omendingak jirin amu sawenduwa, Jon ma misambik fehe amber ondon tikrihinda ria. Hako Avui Wasilaka hulaima nokopma orhin or arangoshinak kuyanga orhik li likwa wolo ma ol hi ngashi ambu ondo Jonin tikrikwa lir.

Matyu 10:42

Uhu os anin tiyanda man ji heyehe ji mba, “Toto Jisasin tiyanda orik orin armek a ukwa nir.” Karem ji mbaha uksembe kas orin ji ha nahi mo mbele jivi las orin ji u nahi, omendingak jirin amu sawenduwa, os ji uwa oso Avui Wasilaka mbeek hishakashakwa ambu ri, wahau. Kumakop wasan or hakwa jir.”

Matyu 10:15

Hako jirin amu sawenduwa. Avui Wasilaka os hulaima nokopma mbele mbele li uhundan or heyehe or mbakwa wolo ma rondo musa lihi orok or heyembakwa ri. Unak nomorawu wasilaka avak lihik talakwa sir. Nomorawu oso wasilaka mendek si naha nomorawu os yanga Sodom nga Gomora nga lihik talahandan tikrikwa sir.”

Matyu 8:10

Karem or mbarik Jisas or misihi or tormblehe ma ol or nga nakrem tari ondon ormu sawera, “Mberemhi tos ter nanduwa! Samba samba toto mashi anhin misindiyanda toria. Hako jir Judama jir lar mbeek or hom mashi anhin misindiyawak a heyenda ambu jir.

Matyu 6:16

“Jir akwan ji halawa wolo ma ol hulaima nokopma hi lihin li hauowekmbaha hishinda ma ondo hom ji uwa hala. Lir fumushima lihin li halashiwak kumbuninda hom nanda lir. Ushinak ma li heyehe li mba, “Toto akwan halaha Avui Wasilakan sawewa toria.” Karem li mbakmbaha unda ola. Erem nanda ma ondo angop wasa lihin lawa lira. Hako jir erem ji uwa hala.

Mashi jivi Jisashi Luk or kayeri 4:24

Hako omendingak jirin amu sawenduwa, profet ondo yanga yanga amber hom hi lihin hauowenda lir. Hako kotontlo lihi nga mahasanje jikanoka lihi nga mbeek hi lihin hauowenda ambu lir.