Matyu 26:46 - Nupela Testamen long tokples Mende long Niugini

⁴⁶ Ji usaha ni ika. Ma or anin ma kavahi tavak hakwa ma oto ormu tanduwa.”

Matyu 26:46 Referans Kwoze

Aposel 21:13

karem ni mbarik Pol mu mbara, “Mberem ushiwak ji tlaholoho wavu anhin kavak ji nandu. An mashi Wasilaka Jisashin a sawenda onik anin li toloho Jerusalemik krawuk li owekwan a ajekwa ambu nir. Os li mandingormekwak li uwa oso nga an mbeek a ajekwa ambu nir.”

Mashi jivi Jisashi Jon or kayeri 14:31

An anhinjik tavarenje wutarihik a hakwa nira. Mberem ushiwak? An Avui anhin a rupshi mendenda osik os or mbahanda hom a unda nir. Unak ma misambik fehe li heyehe avak li mbaka, “Torto mbele mbele ol Avui orhi mbawa nom unda ri.” Mashi ol a sawewa ambehoma, ji usaha ni ika,” karem ormu mbara.

Mashi jivi Jisashi Luk or kayeri 12:50

Nomorawu laka las avak a kishakwa nir. Hako a kisha namber. Uwa osik sunguwavu anhi osmu kava mendek nanduwa.

Mashi jivi Jisashi Luk or kayeri 9:51

Avui Wasilaka Jisasin or mbanak hevenik or lawukuri wolo am pasir si narik Jerusalemik or ikurik ormu hishira.

Mashi jivi Jisashi Luk or kayeri 22:15

“Nomorawun a kisha namber, an jir nga hiyawu Pasova toson ni akwan amu rupshi mendenduwa.

Matyu 26:45

Uhu indiyok or taha ormu sawera, “Jir armek er jimu waha suknyandu! Ambehoma, os a mbahanda osmu talanduwa. Ma Jikisi Avui Wasilakahi oton li laha ma kavahi tavak li hakwa wolok osmu nanduwa.

Matyu 26:47

Jisas mashin or saweri halanganga, kolok Judas mu rara. Judas ma 12-pela orin tiyandari lihi lar oria. Or tarik ma mushak bainat nga kombe nga li laha er nga limu rara. Ol bikpris nga Judama lida lihi nga li mbashirik limu rara.

Mashi jivi Jisashi Mak or kayeri 14:42

Ji usaha ni ika. Ma or anin tavarenje wutarihik hakwa oto ormu tanduwa.”

Mashi jivi Jisashi Luk or kayeri 22:21

Hako ji heyeka, ma or anin wutarihi tavarenjek hakwa ma oto or an nga nakrem shimu linduwa.

Mashi jivi Jisashi Jon or kayeri 21:20

Urik Pita or tormblehe ma or Jisas rupshi mendendari oton ormu heyera. Ma oto mas os akwan li ari wolo Jisas nga nakrem fri lihi orhik or lafaendehe karem orin siliri ri, “Wasilaka, lawe avak mirin wutarihi tavak halaku?”