Matyu 17:10 - Nupela Testamen long tokples Mende long Niugini

¹⁰ Urik limu silira, “Mberem ushiwak mashi Moseshin sawenda ma karem li mbandu, Elaija avak masmas takwa ri. Or tashinakop kuma Avui Wasilaka kamahanda ma orto takwa ria, karem li mbandu?”

Matyu 17:10 Referans Kwoze

Matyu 11:14

Uhu profet ondo Elaija indik or takuri mashi nga saweri lir. Omendingak jirin amu sawenduwa, Elaija or indik takurik li mbari ma oto Jon oria.

Mashi jivi Jisashi Jon or kayeri 1:25

Jonin limu silira, “Os mir mba, mir Avui Wasilaka kamashinak hulaima nokopman jivinakwa ma ambu mir. Mir Elaija ambu mir. Mir profet or ni nikishinda ambu mir, os erem mi mba nahi, wa mberem ushiwak hulaima nokopman fak mi tolofalendu?”

Mashi jivi Jisashi Jon or kayeri 1:21

Karem or mbarik limu silira, “Wa, lawe mir? Mir Elaija om?” Urik ormu mbara, “Wahau.” Urik limu mbara, “Wa, mir profet or ni nikishinda om?” Urik ormu mbara, “Wahau.”

Mashi jivi Jisashi Mak or kayeri 9:11

Uhu Jisasin limu silira, “Mir sawenak ni misi. Mberem ushiwak mashi Moseshin sawenda ma karem li mbandu, “Elaija avak masmas takwa ri. Or tashinakop kuma Avui Wasilaka kamahanda ma orto takwa ria.” Karem li mbandu?”

Matyu 16:14

Karem or silirik limu sawera, “Lal mir Jon, man fak tolofalenda ma mir, karem mbanda lir. Hako lal mir Elaija, karem mbanda lir. Hako lal mir Jeremaia, karem mbanda lir. Hako lal mir profet hoje lar hahanda indik usahanda, karem mbanda lir.”

Matyu 17:11

Urik ormu mbara, “Mashi oso ome sira. Elaija avak or taha mbele mbele ondon hundujekwa ri.