Matyu 15:26 - Nupela Testamen long tokples Mende long Niugini

²⁶ Urik ormu mbara, “Nir mbeek jikisihi akwan ni laha asan ni handa ambu nir.”

Matyu 15:26 Referans Kwoze

Matyu 7:6

Jir avak mbele mbele jivi ol Avui Wasilakahik nahandan ji lashihi asan ji hawa hala. Os erem ji u nahi, lir avak li tormblehe jirin shikwa lir. Uhu jir avak mbele mbele jivi ondon flen ji hawa hala. Os erem ji u nahi, men li esnerkokwa lir. Ushihi li tormblehe jirin shikwa lir.”

Filipai 3:2

Ma kava ol lerawu kavan landa ondo karem jirin mbanda ola, “Masamsishi jihin li koro nom ermba ermbak linda oson lakwa jir.” Erem mbanda ma ondon ji auheyeka.

Efesus 2:12

Jir mas wolo Kraisin ji halaha home mendek sindari jir. Uhu jir mbeek yanga Israelik fehenda ma hom Avui Wasilakahi mak nandari ambu jir. Avui Wasilaka angop maskop Judama nga suman or tiviri sir. Hako jir wahau. Misambi torok ji liri or mbeek nakrem jir nga sindari ambu ri. Uri osik jirin armesarmek or ukmbaha nor mbahandarin men sembe mende nikishindari jir.

Galesia 2:15

“Hemo mir nga an nga shir Judama shir. Shir mbeek kraha anandi lasik fehenda ambu shir. Judama ambu ondo mbeek nir Judama lon ni tiyanda hom tiyanda ambu lir. Unda osik lir, “Kavakavan unda ma lir,” karem ni mbanda lira.

Revelesen 22:15

Hako ma ol kavakavan unda, ma ol singalanda, ma ol nokophirmbirihi hulatolhakanda nombon yanda, ma ol man mandingormenda, ma ol ma tavak li unda godin lotu unda, ma ol haimba handambanda mashin mbanda ondo mbeek yanga orok layikwa ambu lir, wahau, hikriyok sikwa lir.

Jekamba Pol ol yanga Romik lindanjik or kayeri 9:4

Ome sira lir Israelik fehenda ma lir. Wasmashama indinga lir. Avui Wasilaka angop mas wolo mende neloko walanga lihi nga suman or tiviri sir. Ushihi kwambu orhin or mukurik neloko walanga lihi angop li heyeri sir. Uhu lo orhi ondon telemba Sainai orok lihi tavak angop or hari lir. Uhu nombo nombo os orin li lotu ukuri nga angop or mukurik li heyeri sir. Uhu mbele mbele ol kumak talakurin angop or mukuhu nor sawerik li misiri sir.

Matyu 15:25

Hako sir Jisashi kumbamuk si haka lihi indik simu tlara, “Wasilaka, anin mi jelyawa!”

Matyu 15:27

Urik simu mbara, “Ome sira. Hako ma akwan li awak asa li taha akwa tlamun nongo anda ol te.”