Matyu 14:27 - Nupela Testamen long tokples Mende long Niugini

²⁷ Urik ormu mbara, “Ajewa hala. An mu randu te.”

Matyu 14:27 Referans Kwoze

Mashi jivi Jisashi Jon or kayeri 16:33

Os misambi torok ji liwa wolo nomorawu lakan jirin hakwa ola. Hako kwambu anhik ji sihi ji ajewa hala. Mberem ushiwak? Misambi toson sifasahanda ma oto angop a estangriwa ria. Mashi kason a sawenak ji misihindanak mbele mbele ol jirik li talawa ji ajewa hala. Sunguwavu jihin ji mbornaha kwambu anhik ji sika.”

Aposel 23:11

Urik niri oro wolok Wasilaka Pol liri mishik or sihi normu sawera, “Mir ajewa hala. Kwambuk mi sihi os Jerusalemik mi sawenda hom mashi anhin erem Romik sawekwa mir.”

Mashi jivi Jisashi Jon or kayeri 6:20

Urik ormu mbara, “Ji ajewa hala! An mu randu te.”

Matyu 17:7

Urik Jisas or taha lirin or toloho ormu mbara, “Ji ajewa hala, ji usaha!”

Matyu 9:2

Urik ma lar kumba tava nashindarin teyek li ewehe orhik limu kisha laharaha limu hishira, “Avak or mbanak jivik nakwa ri.” Karem limu hishira. Jisas os li hishiri oson angop or heyeri sir. Uri osik ma oton ormu mbara. “Jikisi anhi, ajewa hala! Kavakava mihi angop a laha ermbewa sir.”

Mashi jivi Jisashi Luk or kayeri 1:30

Urik ensel mu sirin sawera, “Maria, nyir ajewa hala. Avui Wasilaka waprupshi orhi angop nyirin hawa ri.

Mashi jivi Jisashi Luk or kayeri 1:13

Urik ensel oto mu orin sawera, “Sekaraia, mir ajewa hala. Avui Wasilaka orin mi sawendan angop misiri ri. Nokove mihi Elisabet avak jikishulayi lar wakwa sir. Si wanak hi orhi Jonik ushaka.

Matyu 28:10

Urik ormu mbara, “Shi ajewa hala. Shi ihi anhi ma ondon shi sawenak avak Galilik li ihi anin orok li heyekwa nir.”

Mashi jivi Jisashi Luk or kayeri 2:10

Hako ensel oto mu sawera, “Ji ajewa hala. Ji misi. An mashi jivin jirin a sawekmbaha a rawa nir. Mashi os a laharawa oso si unak ma amber rupshikwa lir.

Matyu 14:28

Urik Pita mu mbara, “Wasilaka, os mirik na nahi, anin mbashinak fa heyek a esehe mir siwa mishik a raka.”

Matyu 28:5

Hako ensel oto nokove ovron ormu sawera, “Shi ajewa hala. Angop a heyewa shir, shir Jisas or miandok li tiriri oton heyekmbaha rawa shir.

Mashi jivi Jisashi Mak or kayeri 6:50

Li ajerik Jisas kolomalok ormu mbara, “Ji ajewa hala. An mu randu te!”

Mashi jivi Jisashi Luk or kayeri 5:10

Jems fre Jon Sebedihi jikisi op Saimon nga anatambuyandari frir er nga lishnyafa ajeri vria. Urik Jisas Saimonin ormu sawera, “Mir ajewa hala. Ter foomen mimu kruwunduwa. Hako kumak hulaima nokopman anhik laharakwa mira.”

Mashi jivi Jisashi Luk or kayeri 12:32

Jir sipsip kanda anhi jirin, ji ajewa hala. Mberem ushiwak? Avui Wasilaka jirin or rupshihi kwambu orhik jirin or arangoshinak orhi siyok sikwa oja.