Mashi jivi Jisashi Luk or kayeri 9:55 - Nupela Testamen long tokples Mende long Niugini

⁵⁵ Hako Jisas fririn or tormble heyehe ormu fririn ngriara.

Mashi jivi Jisashi Luk or kayeri 9:55 Referans Kwoze

Revelesen 3:19

Ma ol a rupshi mendenda ondon a ngriasawehe na tolo wornashinak kavakava ol li unda ondon li halaka. Uwosik wavu jihin ji tormblehe anin ji tiyaka.

1 Pita 3:9

Os ma jirin kavakavak li uhu hi jihin kavak li na nahi, wasan ji uwa hala, wahau. Hako Avui Wasilakan ji sawenak lirin armek or uka. Erem ji ukmbaha jirin kamari ri. Os erem ji u nahi, Avui Wasilaka jirin armesarmek ukwa ri.

Matyu 26:51

Urik kolok Jisas nga nakrem liri ma lar, bainat orhin or longoho ma or hetprisnjik lerawun landari ma mambla orhin ormu shinjesera.

Matyu 26:41

Ji lihi Avui Wasilakan ji saweka. Las avak jeikayenda jihik si talanak ji tukuyinda ngashi. Wavu yoko jihi jip ukwak hishinda sir. Hako maome jihi mbeek kwambu nga nanda ambu sir.”

Matyu 26:33

Urik Pita mu mbara, “Os ma ondo amber mirin li hala nahi, an mbeek mirin a halakwa ambu nir.”

Matyu 16:23

Urik Jisas or tormblehe Pitan or heyehe ormu mbara, “Laulaka mir haisi! Nombo anhin arangowa hala. Mashi os mi mbawa oso mbeek Avui Wasilakahi mashi ambu sir. Oso mashi tol ma misambik fehe lihi mashi sir.”

Jems 3:10

Uhunda osik mashi os Avui Wasilaka hi orhin ni hauowenda nga mashi kavakavan ni mbanda nga ebrembam suwambushi namtaskop talanda sira. Jisasin hishindiyanda ma jirin ji misi, nombo os erem ji uwa oso kava sir. Erem ji uwa hala!

Mashi jivi Jisashi Jon or kayeri 16:9

Kavakava os ma li unda maintontlo sihi karem, lir mbeek anin wavu lihik ewehe mashi anhin misindiyanda ambu lir.

Mashi jivi Jisashi Luk or kayeri 9:54

Urik orin tiyandari Jems fre Jon os erem narin fri heyehe frimu mbara, “Wasilaka, mberem mi hishindu, shi mbanak hi laka las hevenik si rakaha ma ondon si ukmba mimu hishindu?”

Mashi jivi Jisashi Luk or kayeri 9:56

Uhu li halaha yanga anandik limu ira.