Mashi jivi Jisashi Luk or kayeri 7:6 - Nupela Testamen long tokples Mende long Niugini

⁶ Karem li mbarik or misihi lir nga normu ira. Li ihi am akayanga pasir li narik kepten oto orhi ma lal or mbashirik li ihi nombok Jisasin limu sawera, “Kepten mashi orhin mirin ni sawekmbaha or mbashiwak nimu randuwa. Mashi orhi karem. Wasilaka, an ma jivi ambu nir. Uwa osik aka anhik mi tawa hala.

Mashi jivi Jisashi Luk or kayeri 7:6 Referans Kwoze

Jems 4:6

Hako Avui Wasilaka nirin or jelyashinak avak mbele mbele ol nirin uwak orin ni halahanda ondo nga ni anajihi ni tukrukwa lir, os jekamba orhik karem li kayehendari hom, “Ma ol lihinjik shisharmblaha mba, “An aninjik a undahi nir,” karem mbawa ma ondo Avui Wasilaka mbeek or jelyakwa ambu lir. Hako ma ol lihinjik hafakaha Avui Wasilaka lirin or jelyakwak hishiwa ondo avak or jelyakwa lira.” Sindoun 3:34

Mashi jivi Jisashi Mak or kayeri 5:24

Karem or mbaha Jisas nga frimu ira. Urik ma musha mendek orin li rurawuhu limu tiyaha ira.

Mashi jivi Jisashi Luk or kayeri 8:49

Mashin or mbari halanganga Jairusnjik lerawun landari ma lar or taha ormu sawera, “Jikisi mihi angop hawa sir. Las avak Jisas sembe mi mba laha shi inda ngashi.”

Jems 4:10

Os jihinjik ji hafakaha ji mba, “An mbeek anhinjik jivik a nandahi ambu nir,” karem ji mba nahi, Avui Wasilaka avak jirin jelyakwa ri.

Aposel 10:38

Jir angop ji heyeri sir. Avui Wasilaka Jisas yanga Nasaretik fehendan or kamashihi Masikome orhi nga kwambu orhi nga orin hari ria. Uhu or nga nor sishirik Jisas yanga yangak or ihi hulaima nokopman armek or uhu ma ol Laulaka oloshirik kavak nahandari ondon or urik jivik limu nara.

Mashi jivi Jisashi Luk or kayeri 5:8

Saimon oson or heyehe kumbambongon or huvuhu Jisashi kumbamuk or takaha ormu mbara, “Wasilaka, mir anin hala ika. An kavakavan unda ma nira.”

Matyu 3:11

Uhu ormu mbara, “Ma ol kavakava os li undan kormbak sawewa ma ondon men fambak a tolofalenda nir. Hako kumak ma lar avak takwa ri. Kwambu orhi kwambu anhin tikrinda sir. An ma jivi ambu nir. Unda osik an mbeek kumbambongon a huvuhu kuvu os kumba ari orhi orok nawan a sorgondahi ambu nir. Hako or hi nga Avui Wasilaka Masikome orhi nga jirin fak tolofalekwa ri.

Mashi jivi Jisashi Luk or kayeri 7:5

Or nir Judaman rupshinda ri. Ni lotu unda aka las nirnjik uri ri.”

Mashi jivi Jisashi Luk or kayeri 7:7

An ma jivi ambu nir. Karem a hishihi a raha mirin a heyekwa os amu halawa. Hako, mir mashikop mbanak anjik lerawun landa ma oto avak jivik or naka.