Mashi jivi Jisashi Luk or kayeri 5:14 - Nupela Testamen long tokples Mende long Niugini

¹⁴ Urik Jisas kwambuk orin ormu sawera, “Ai ai, mir avak ma lar tos mirin a uwan sawewa hala, wahau. Hako mi ihi maome mihin prisin mukunak os jivik mi nawan or heyeka. Uhu ofa os Moses mas or mbahandari nombo hom uka. Ushinak ma amber os jivik mi nawan li heyeka.”

Mashi jivi Jisashi Luk or kayeri 5:14 Referans Kwoze

Mashi jivi Jisashi Luk or kayeri 17:14

Karem mbarik Jisas lirin or heyehe normu mbara, “Ji ihi maome jihin prisin ji mukuka.” Karem or mbashirik li irik kolok maome lihi jivik simu nara.

Matyu 8:4

Urik Jisas ormu mbara, “Ai ai, mir avak ma lar tos mirin a uwan sawewa hala. Hako mi ihi maome mihin prisin layi mukunak os jivik mi nawan or heyeka. Uhu ofa os Moses mas or mbahandari nombo hom haka. Ushinak ma amber avak os jivik mi nawan li heyeka.”

Matyu 12:16

Uhu hi orhin kormbak li sawekurin ormu pantlera.

Matyu 9:30

Karem or mbarik kolok misokome frihi huririk frimu heyera. Urik ormu mbara, “Ai ai, kas a uwa kason avak ma lal shi sawewa shi hala.”

Mashi jivi Jisashi Mak or kayeri 6:11

Hako os mashi os ji sawewan li turaha jirin armek li u nahi ambu, yanga oson ji halaha kumba jeren ji narka lafakaha ji ika. Ushinak lir avak li hishihi li mba, “Nir angop mbele kava las ni uwa nir,” karem li mbaka.”

Matyu 10:18

Mberem ushiwak? Angop mashi anhin ji misihi anin tiyanda oja. Uwosik jirin li laha layi oweshinak malakama lihi misokomek jirin kotim ukwa lir. Erem jirin li una wolo ji sihi mashi anhin ma ol Avui Wasilakahi mashin misinda ambu ondon ji sawenak li misika.

Mashi jivi Jisashi Luk or kayeri 5:13

Karem or mbarik Jisas tava orhin ma otohik or hauowehe normu mbara, “An mbawa jivik nakwa mira.” Karem or mbarik kolomalok okmbale lepra mendek si narik jivik ormu nara.