Mashi jivi Jisashi Luk or kayeri 4:36 - Nupela Testamen long tokples Mende long Niugini

³⁶ Urik ma amber oson li heyehe li lishnyafaha lihi ambek limu mbara, “Ma jirin te. Mberemhi tos ter nandua, os ma toto hukwalama hom or mbaha or mbashiwak wasimalengamba mashi orhin li misihi li halaha iwan te,” karem limu mbara.

Mashi jivi Jisashi Luk or kayeri 4:36 Referans Kwoze

Mashi jivi Jisashi Luk or kayeri 4:32

Mashin or saweri katai hukwalama hom or owesaweri osik ma li misihi limu lishnyafara.

1 Pita 3:22

Uhu Krais angop hevenik or lawuhu, Avui Wasilakahi tapmamayok ormu linduwa. Ushihindak ensel nga, wasi ol kwambu nga nanda nga, mbele mbele ol kwambu ngashi amber olmu orhi siyok sinduwa.

Mashi jivi Jisashi Mak or kayeri 7:37

Urik ma ol mashi oson misiri ma ondo li lishnyafaha limu mbara, “Mbele mbele ol or uwa ondo mbeek kavak nanda ambu lir, jivikop nanda re. Or uwak mambla jihinda li misiwak takhava nomok nahanda li maimbawak karem unda ri.”

Mashi jivi Jisashi Mak or kayeri 1:27

Urik ma ol orok liri ondo oson li heyehe li lishnyafaha lihi ambek limu mbara, “Mberemhi tos ter nandua? Ma roto Avui Wasilakahi mashin kwambu nga or sawewak ni misiw te. Uhu wasimalengamba roton or mbawak ma roton or halaha or tulu iwa re.”

Matyu 9:33

Urik Jisas wasimalengamba oton or mbru ermbeshirik ormu maimbara. Urik ma amber oson li heyehe limu mbara, “Ayo, tos ter nawak ni heyewa oso himi kas mbeek mas yanga nihi Israel torok talarik ni heyeri ambu os te!”

Mashi jivi Jisashi Luk or kayeri 2:18

Mashi oson li sawerik li misihi wavu musha mushak limu hishira.