Mashi jivi Jisashi Luk or kayeri 3:12 - Nupela Testamen long tokples Mende long Niugini

¹² Urik ma ol takis yan landari ma ondo er nga fak li layikurik li taha orin limu silira, “Tisa, mberem nivai uku?”

Mashi jivi Jisashi Luk or kayeri 3:12 Referans Kwoze

Mashi jivi Jisashi Luk or kayeri 7:29

Jisas Jon or nandarin or sawerik ma amber li misihi takis yan landari ma er nga karem limu hishira, “Mbele mbele Avui Wasilaka or uhunda ondo worna mende lir,” karem limu hishira. Mberem ushirik? Angop sunguwavu lihin li tormbleshirik Jon fak or tolofaleri ola.

Mashi jivi Jisashi Luk or kayeri 18:13

Hako ma or takis yan landa ma oto homek or sihi mbeek metenje yok larasa mawuri ambu ri. Or maruknyaha ormu mbara, “Avui, an ma kava nir. Hako mir anjik holoka,” karem ormu mbara.”

Matyu 5:46

Os jihi ma nom ji rupshi nahi, oso mbeek lakak nanda ambu sir. Mberem ushiwak? Ma kava ondo er nga mahasanje lihi ambekop rupshinda ola.

Mashi jivi Jisashi Luk or kayeri 3:10

Karem or mbarik ma ondo orin limu silira, “Wa, mberem nivai uku?”

Mashi jivi Jisashi Luk or kayeri 3:13

Urik ormu sawera, “Jir takis ya os ji lawa, malakama jihi li mbawa nombo hom ji laka. Warje nga ji lawa hala.”

Aposel 2:37

Pita mashi oson erem or sawerik li misihi wavu lihi si jirik Pita nga aposel anandi ondo nga limu silira, “Hai, mahasanje nihi jirin, wa mberem nivai uku?” Karem li silirik,