Mashi jivi Jisashi Luk or kayeri 22:39 - Nupela Testamen long tokples Mende long Niugini

³⁹ Uhu Jisas yanga oson or halaha telemba Olivik ormu lawura, os ermba ermbak or undari hom. Urik orin tiyandari ma er nga orin limu tiya ira.

Mashi jivi Jisashi Luk or kayeri 22:39 Referans Kwoze

Mashi jivi Jisashi Luk or kayeri 21:37

Jisas tempel aka orok mashin sawendari ri. Uhu niri wolo yanga os telemba Oliv orok nandari orok or ihi wandari ri.

Matyu 21:1

Jisas nga ol orin tiyandari ma nga Jerusalemik li ikurik yanga Betfage telemba Oliv sumbu orok limu talara. Uhu orin tiyandari ma frijip or mbashirik yanga pasir nanda orok fri ikurik ormu sawera,

Mashi jivi Jisashi Mak or kayeri 14:26

Karem or mbaha hukwa las li koroho yanga oson li halaha telemba Oliv orok limu lawura.

Mashi jivi Jisashi Mak or kayeri 13:3

Karem or mba lafakaha telemba Oliv orok or lawu lihi tempel akan ormu limara. Urik Pita, Jems, Jon, Andru, lirtonom orhik li taha limu silira,

Mashi jivi Jisashi Mak or kayeri 11:19

Urik am si homirik Jisas nga ma ol orin tiyandari ondo nga Jerusalemin li halaha limu ira.

Mashi jivi Jisashi Mak or kayeri 11:11

Karem li mbaha Jerusalemik limu tara. Urik Jisas tempel akak or layihi mbele mbele ol aka orok nandan ormu heyera. Hako angop si homirik or halaha ma 12-pela ondon or laha indik yanga Betanik li ihi orok limu wara.

Matyu 26:30

Karem or mbaha hukwa las li koroho aka oson li halaha telemba Oliv orok limu lawura.