Mashi jivi Jisashi Luk or kayeri 12:44 - Nupela Testamen long tokples Mende long Niugini

⁴⁴ Omendingak jirin amu sawenduwa. Malakama avak orin or ngamashinak mbele mbele orhi ondon washilikwa ri.

Mashi jivi Jisashi Luk or kayeri 12:44 Referans Kwoze

Matyu 24:47

Omendingak jirin amu sawenduwa, malakama avak orin or mbashinak mbele mbele orhi ondon washilikwa ri.

Revelesen 3:18

Hako mainkwambu las jirin a sawekwa karem, gol anhi os hi ushindak jivik nawa oson ji frungawuhu ya nga jivai naka. Kouavisha anhin ji frungawuhu os ji serembomba yawan ji fale arangoka. Marasin anhin ji frungawuhu misokome jihin ji tahandanak yawur jivai heyeka.

Matyu 25:21

Urik malakama oto mu mbara, “Mir ma jivi lerawun armek landa ma mira. Ya awarikandak mirin a hari sir. Hako armek lerawun mi lari osik avak lerawu wasilaka las mihi tavak a halakwa nir. Mir avak an nga nakrem shi rupshi mendekwa shira.”

Mashi jivi Jisashi Luk or kayeri 12:43

Os malakama indiyok or taheyenak lerawu orhin er or la nahi, or rupshika.

Mashi jivi Jisashi Luk or kayeri 12:45

Hako os lerawun landa ma oto or hishihi nor mba, “Malakama anhi mbernda kolok rakwa ambu ri.” Karem or hishihi ma ol or nga nakrem lerawun landa ondon or jihi akwan or aha uku kavan or aha ambarambasinak,