Mashi jivi Jisashi Luk or kayeri 11:19 - Nupela Testamen long tokples Mende long Niugini

¹⁹ Os anin ji mba, an Belsebulhi kwambuk wasimalengamba ondon a mbru ermbew, anin erem ji mba nahi, jirin a silikwa karem. Jihi ma ol wasimalengamban mbru ermbenda ondo lawehi kwambuk lerawu oson li landu? Lir er nga wasimalengamban li mbru ermbenda osik lir avak mashi mashi os anin ji heyembawa hom jirin heyembakwa lir.

Mashi jivi Jisashi Luk or kayeri 11:19 Referans Kwoze

Mashi jivi Jisashi Luk or kayeri 9:49

Jon Jisas mbari mashin or misihi Jisasin ormu sawera, “Tisa, nir ni heyeri ma lar hi mihik wasimalengamban mbru ermberi ria. Hako or mbeek nihi ma ambu orik orin nimu sauntlera.”

Jekamba Pol ol yanga Romik lindanjik or kayeri 3:19

Mashi ol Moseshi lo orok li kayehendari ondo ma ol lon tiyanda ondonjik limu kayeri sira. Hako ma misambik fehe amber hom Avui Wasilakahi misokomek or heyewa kavakavan unda lir. Unda osik os nimu heyenduwa, ma lar mbeek orhinjik or mba, “An ma worna ma anira.” Karem mbandahi ambu ri, wahau.

Mashi jivi Jisashi Luk or kayeri 19:22

Urik malakama orin ormu sawera, “Mir ma kava indinga mbafirimbanda ma mir. An mambale, karem mi hishirikop,

Matyu 4:24

Urik mashi os Jisas or mbarik jivik li nari mashi oso simbalesik yanga Siriak si irik amber hom limu mistakora. Urik ol kavamisihi tashiyandari ondo nga wasimalengamba tolondari nga ma ol kwarngarnaha misambik takatukuyinda ondo nga ma ol kumbanash tavanashindari nga orhik li lahararik or mbarik jivik limu nara.

Aposel 19:13

Hako Judama lal yanga yangak li yaha wasimalengamba ol man tolondari ondon mbru ermbendari lira. Ma ondo Skevahi jikishulayi 7-pela olira. Skeva oto Judama bikpris lihi lar oria. Lir er nga kwambu Wasilaka Jisashik li ushaha wasimalengamba ol man tolondari ondon mbru ermbekurik li uhu limu mbara, “Jisas or Pol sawerik ni misihinda otohi kwambuk jirin nimu mbanduwa. Mir ma toton halaha ika.”