Mashi jivi Jisashi Luk or kayeri 1:76 - Nupela Testamen long tokples Mende long Niugini

⁷⁶ Hako jikisi anhi mirin, kumak avak Avui Wasilaka or metenjek fehenda profet orhik li ushakwa mir. Uhu mir maifuhu Wasilakahi nombon hundujekwa mir.

Mashi jivi Jisashi Luk or kayeri 1:76 Referans Kwoze

Mashi jivi Jisashi Jon or kayeri 1:23

Urik Jon mashi os maskop profet Aisaia or sawendari hom ormu mbara, “Ma ngashi mishi ambu orok mashi las karem simu mbara, “Nombo Wasilakahin ji hundujeka.” Karem mbahanda mashi oso anira,”

Matyu 14:5

Ushirik Herot Jonin or mandingormekurik hishiri ri. Hako hulaima nokopma, Jon profet, karem li mbandari osik lirin or ajehe halari ri.

Aposel 16:17

Nokove oso Pol len si tiya ihi simu laka lakak usha sawera, “Ma tondo Avui Wasilaka metenjek fehe orhi lerawun landa ma lira. Lir nombo os Avui Wasilaka jirin jivinakwan sawenda ma lira.”

Mashi jivi Jisashi Luk or kayeri 1:35

Urik ensel mu sirin sawera, “Avui Wasilaka metenjek fehe Masikome orhi avak nyirik takwa ri. Uhu nyirin jelya arangokwa ri. Ushinak jikisi or nyi wakwa avak jivi worna mendek nakwa ria. Unak avak li ushakwa ri, “Avui Wasilakahi jikisi indingo toria.”

Mashi jivi Jisashi Luk or kayeri 1:32

Or avak malakamak or nanak Avui Wasilaka metenjek fehe avak or mba, “Jikisi indingo anhi ria,” karem mbakwa ri. Uhu Avui Wasilaka or nirin arangonda oto or mbashinak misumu walanga orhi Devit nahandari hom kingik nakwa ri.

Mashi jivi Jisashi Mak or kayeri 11:32

Hako os ni mba, ma misambik fehe mbashirik lerawun or lari. Karem ni mba nahi, ma rondo avak li waplelenaha nirin kavak nakwa ola. Mberem ushiwak? Jon oto profet oria, karem hishinda ola.”

Mashi jivi Jisashi Jon or kayeri 3:28

Mashi os mas a saweri angop ji misiri sir. An mbeek Avui Wasilaka kamashirik hulaima nokopman jivinakwa ma ambu nir. An men nombo orhin hundujekmbaha a rari nir.

Mashi jivi Jisashi Jon or kayeri 1:27

An mas a rashirikop or kuma tari ri. An ma jivi ambu nir. Unda osik an mbeek kuvu os kumba ari orhi orok nawan a sorgondahi ambu nir.”

Mashi jivi Jisashi Luk or kayeri 6:35

Hako wutari jihin wapnuku jihik ji owehe lirin armesarmek ji uka. Uhu avak mbele mbelen ji hashihi indiyok wasan li hakmbaha ji hishiwa hala. Men yelndam ji haka. Erem ji uhu Avui Wasilakahi jikisi indingok ji nanak kumak avak wasa jihin or hakwa jir. Ji misi. Avui Wasilaka ma ol kavakavan uhu orin armek mbanda ambu ondon er nga armek or unda lir.

Matyu 21:26

Hako os ni mba, ma misambik fehenda mbashirik lerawu oson ormu lara. Karem ni mba nahi, ma rondo avak nirin kavak nakwa ola. Mberem ushiwak? Jon profet oria, karem hishinda ola.”

Matyu 3:11

Uhu ormu mbara, “Ma ol kavakava os li undan kormbak sawewa ma ondon men fambak a tolofalenda nir. Hako kumak ma lar avak takwa ri. Kwambu orhi kwambu anhin tikrinda sir. An ma jivi ambu nir. Unda osik an mbeek kumbambongon a huvuhu kuvu os kumba ari orhi orok nawan a sorgondahi ambu nir. Hako or hi nga Avui Wasilaka Masikome orhi nga jirin fak tolofalekwa ri.