Mashi jivi Jisashi Jon or kayeri 9:29 - Nupela Testamen long tokples Mende long Niugini

²⁹ Avui Wasilaka mashi orhin Moseshi tavak or halari osik nir Moseshi mashin ni tiyanda nira. Hako ma or mi mbawa oton nir mbeek ni heyenda ambu nir.”

Mashi jivi Jisashi Jon or kayeri 9:29 Referans Kwoze

Mashi jivi Jisashi Jon or kayeri 8:14

Urik ormu mbara, “Os an anhinjik a sawewa mashi anhi ome sir. Mberem ushiwak? Kuyanga os a rahanda mishi nga kuyanga os a ikwa mishi nga angop a heyeri sir. Karem uwosik mashi os a mbawa omendinga sira. Hako jir mbeek kuyanga os a rahanda mishi nga os a ikwa mishi nga heyenda ambu jir.

Aposel 26:22

Hako Avui Wasilaka anin or jelyashihindak ter nga os amu er sishi mashin ma amber hom amu sawenduwa. An mbeek mashi anandi las a sawenda ambu nir. Mashi os mas profet nga Moses nga os talakurik li sawehendari oso nom amu sawenduwa.

Aposel 22:22

Urik Judama mashi oson li misihi wasilaka mendek limu mbara, “Mandingormeshinak or ha. Nir ma roto or likmba ni hishiwa ambu nir,” karem mbaha

Aposel 7:35

Mas wolok Israelik fehenda ma ondo Mosesin li turaha karem mbari lir, “Lawe mirin malakamak mbashiwak nirin mi heyembakwak mi undu?” karem mbari lir. Hako Moses oto Avui Wasilaka mbashirik or ihi lida lihik or naha lirin jelyakurik nari ri, os or sihi nor misirik mi kanda las hi ukruri nindik Avui Wasilaka sauharik ensel or saweri hom.

Mashi jivi Jisashi Jon or kayeri 9:24

Urik indik ma oton li usharik or tarik limu mbara, “Misokome Avui Wasilakahik mashi ome nom mbaka. Ma or mi mbawa ma oton angop ni heyenda ri. Or kavakavan unda ma ria.”

Mashi jivi Jisashi Jon or kayeri 9:16

Karem or sawerik Farisi lal olmu mbara, “Sabat wolok lerawun lawa ma oto mbeek Avui Wasilakahik tawa ambu ri.” Hako lal olmu mbara, “Wahau, or kavakavan unda ma ambu ri. Os kavakavan or undakop mbeek mbele las ma undahi ambun uwa ambu ri.” Karem li mbaha wavu lihi mbeek nakrem nari ambu sir, apshamba apshambak hishiri lir.

Mashi jivi Jisashi Jon or kayeri 7:27

Hako ma toto kotontlo orhi angop ni heyenda sir. Hako Krais Avui Wasilaka kamahanda ma oto or tawakop kotontlo orhin mbeek ni heyekwa ambu sir,” karem wavu lihi musha mushak li hishihi limu mbara.

Mashi jivi Jisashi Luk or kayeri 23:2

Uhu orin limu haimba handambaha jira, “Nir ni heyewa, Jisas toto nirin haihanda owehe mbafirimbanda ria. Or mbeek takis yan Sisarin ni hakwa ambu, karem mbanda ri. Uhu ortonom king Avui Wasilaka kamashihindak hulaima nokopman jivinakwa ma ri, karem mbanda ri.”

Matyu 26:61

Erem li mba irik ma frijip mu rara. Uhu frimu mbafirimbara, “Ma roto mas karem mbari ri, “Tempel aka Avui Wasilakahi oson a jitarvlashihi niri frijipkop indik a undahik a nanda nir.” Karem or mbarik shi misiri shir.”

Matyu 12:24

Urik Farisi ondo mashi oson li misihi limu mbara, “Wahau te! Wasimalengamba Belsebul oto orin or olonda osik orhi kwambuk ol ormu mbru ermbenduwa.”

Mashi jivi Jisashi Jon or kayeri 7:28

Urik Jisas tempel aka orok or sihi mashin ormu sawera. Uhu ormu mbara, “Jir an lawe, karem ji hishindu? Uhu kotontlo anhi os a rahanda nga am jimu hishindu mo wahau? Hako an mbeek anhinjik a tari ambu nir. Avui anhi mbashirik a tari nir. Or mbele mbele omek nanda tontlo oria. Hako jir mbeek orin heyenda ambu jir.

Mashi jivi Jisashi Jon or kayeri 9:30

Urik ormu mbara, “Jir mberemhi mashin ji mbandu? Ma or misokome anhin uwak jivik a nawa ma oton jimu hishandu?

Hibru 1:1

Mas wolo Avui Wasilaka mashi orhin profet orhi ondon or sawerik li misiri sir. Mashi oso hindi mushak nombo apsham apshamhik or sawerik li misiri sir. Urik profet ondo nga mu neloko misumu walanga nihin sawerik li nimu misira.

Hibru 1:2

Hako ter mbele mbele am mendek si nakwak si nawak mashi orhin jikisi orhik or hari sir. Ushirik jikisi orhi oto nirin or sawerik nimu misira. Jikisi orhi otohik mbele mbele tol ni heyewa tondon or uri lir. Uhu mbele mbele ondo jikisi orhi tavak or hari lira.