Mashi jivi Jisashi Jon or kayeri 8:6 - Nupela Testamen long tokples Mende long Niugini

⁶ Os erem li siliri oso men li silinak or una unak li heyekmbaha li siliri sir. Unak li heyehe mashi las or mbanak kavak si na nahi, mashi orok orin li kotim ukmbahan. Hako Jisas kumbamblurik or taka lihi misambik ormu kayera.

Mashi jivi Jisashi Jon or kayeri 8:6 Referans Kwoze

Mashi jivi Jisashi Luk or kayeri 10:25

Urik mashi Moseshin sawendari ma lar or usa sihi Jisasin men or mbanak or mbanak or heyekmbaha ormu silira, “Tisa, an mberem a uhu ermba ermbak linda oson avai laku?” Karem or mbarik Jisas orin ormu silira,

Matyu 19:3

Urik Farisi lal li taha men li eweheyenak or mbanak li heyekmbaha li taha orin limu silira, “Lo nihi mberem si mbandu? Os nokove nihin men semben ni turaha ni mbashinak si ika, karem ni mba nahi, jivik nakwa os mo wahau?”

1 Korin 10:9

Wasilaka akwan or harik ari lir. Hako li ashihi lihi lal orin narfatarfajiri lir. Lir erem li uri osik Avui Wasilaka or mbarik hovo lal lirin li shishirik hari lir. Nir os li narfatarfajinda hom erem ni mbawa hala.

Mashi jivi Jisashi Mak or kayeri 10:2

Urik Farisi lal li taha men li mbanak or mbanak li heyekmbaha limu silira, “Lo nihi mberem si mbandu? Os nokove nihin men semben ni turaha ni mbashinak si ika, karem ni mba nahi, jivik nawa os?”

Mashi jivi Jisashi Mak or kayeri 8:11

Urik Farisi lal Jisasin li mbanak or mbanak li heyekmbaha li taha limu mbara, “Mir kolok mbele las ma undahi ambun unak ni heyehe nivai mbaka, mir kwambu Avui Wasilakahi ngashi mira.”

Matyu 26:63

Karem or silirik Jisas mashi las nga mbari ambu ri. Urik indik ormu silira, “Avui Wasilaka ermba ermbak linda or heyewak mirin amu silinduwa, unak mir omek saweka, mir hulaima nokopman jivinakmbaha or kamahanda ma om? Mir jikisi orhi om?”

Matyu 22:35

Uhu lihi lar Moseshi lon armek heyendari ma oton li mbashirik Jisasin or oweioweiheyekurik ormu silira,

Matyu 22:18

Uri osik ormu mbara, “Jir hokophakovimbanda ma jirin, mberem ushiwak anin ji hokovimbakwak ji randu?

Matyu 16:1

Urik Farisi lal nga Sadyusi lal nga Jisasin li eweheyenak or mbanak li heyekmbaha li taha limu mbara, “Ma undahi ambu las unak ni heyehe nivai mba, mir Avui Wasilaka mbashirik tari ma mira.”

Matyu 15:23

Hako Jisas mbeek mashi las sirin saweri ambu ri. Urik ol orin tiyandari ma limu mbara, “Nokove oso mashi oso nom si mbaha rawak am ni krehe mender te! Mi mbashinak si ika.”

Matyu 10:16

Uhu mashi las nga ormu mbara, “Ji misi, avak an mbashinak wutari nindik ikwa jir, os sipsip kala asa nindik li inda hom. Unak jirin kavak li nakmbaha ukwa lir. Karem uwosik mbele mbele os ji ukmbaha ji hishiwan yawur ji hishiyarika. Uhu mbele mbele jivi nom ji uka.

Mashi jivi Jisashi Jon or kayeri 8:2

Orok or lawuhu wahandaha nirsumbu mendek tempel akak indik ormu layira. Urik ma mushak orhik li ralandirsarik mashin ormu owesawera.

Mashi jivi Jisashi Luk or kayeri 11:16

Hovok ma lal Jisasin li oweioweiheyekmbaha limu mbara, “Ma undahi ambu hevenik fehe las mi unak ni heyehe nivai mbaka, mir Avui Wasilaka mbashirik tahanda ma mir,” karem limu mbara.

Mashi jivi Jisashi Mak or kayeri 12:15

Hako Jisas angop or heyeri sir, os orin li oweioweiheyekmbaha li rari oson. Uri osik ormu mbara, “Mberem ushiwak anin ji oweioweiheyekmbaha torok ji raw? Hako ya las ji laharanak a heye na sawenak ji misika.”

Mashi jivi Jisashi Mak or kayeri 3:2

Urik ma ol aka orok liri ondo Jisasin olmu sishi heyera, os ma oton Sabat wolok or mbanak jivik or na nahi, orin li kotim ukmbahan.