Mashi jivi Jisashi Jon or kayeri 8:48 - Nupela Testamen long tokples Mende long Niugini

⁴⁸ Judama ondo mashi oson li misihi Jisasin limu mbara, “Mir ma kava yanga Samariak fehenda mira. Wasimalengamba oloshiwak mimu mbanduwa.”

Mashi jivi Jisashi Jon or kayeri 8:48 Referans Kwoze

Mashi jivi Jisashi Jon or kayeri 7:20

Urik limu mbara, “Lawe mirin mandingormekwak mbandu? Mir wasimalengamba tolonda hom mbaw te!”

Mashi jivi Jisashi Jon or kayeri 8:52

Karem or mbarik limu mbara, “Am nimu heyenduwa. Wasimalengamba olonda mira. Abraham nga profet ondo nga angop maskop hari ol te! Hako mberemhi mashi os ter mi mbanduwa, ma ol mashi mihin misindiyawa mbeek hakwa ambu lir, karem mi mbawan?

Mashi jivi Jisashi Jon or kayeri 10:20

Lal karem limu mbara, “Toto wasimalengamba tolonda osik ormu ambarambasinda hom mbanduwa. Mberem ushiwak mashi orhin ji misindu?”

Mashi jivi Jisashi Jon or kayeri 4:9

Urik simu mbara, “Mir Judama mir, an Samariak fehe nir. Mberem ushiwak uksemben a hanak mi akmbaha mi mbandu? Jir Judama mbeek nir Samariak fehenda nga nakrem ni anda ambu nir.”

Matyu 15:7

Jir men ma heyekmbaha mbanda jir. Profet Aisaia mas or mbahandari mashi oso jir ukundarin karem or mbari sir,

Matyu 12:24

Urik Farisi ondo mashi oson li misihi limu mbara, “Wahau te! Wasimalengamba Belsebul oto orin or olonda osik orhi kwambuk ol ormu mbru ermbenduwa.”

Matyu 10:5

Jisas ma 12-pela ondon or usharik li tarik ormu sawera, “Ji ihi mashi anhin ji laha sawe ika. Hako Judama ambu ondo yanga lihik ji iwa hala. Samariak fehe ondohi yangak ji iwa hala.

Jems 2:19

Jir karem hishinda jira, “God namtar nom Avui Wasilaka nihi ria.” Mashi os erem ji mbanda oso omendinga sira. Hako wasimalengamba ondo er nga os ji hishinda hom erem hishinda lir. Uhu orin ajenda lira.

Jekamba Pol ol yanga Romik lindanjik or kayeri 15:3

Jisasin ji hishika, or mbeek orhikop hishiri ambu ri, wahau. Or mbele mbele os Avui orhi or mbari hom uri ri, os jekamba Avui Wasilakahik karem li kayehendari hom, “Ma ol mirin okolehe mbawa ma ondo anin er nga okolewa lir.”

Mashi jivi Jisashi Jon or kayeri 13:13

Jir an Tisak mbanda jir. Uhu anin, Wasilaka jihi, karem anin mbanda jir. Wa, jivi sira, os erem ji mbanda oson. An Tisa jihi nira. An Wasilaka jihi nira.

Hibru 13:13

Unda osik nir orin tiyanda ma nir erema, orin ni tiyaha hikriyok ni layihi or nga nakrem nomorawu os or kishanda hom nir erem ni kishaka. Uhu os ma misambik fehe nirin li okolehe kavakavan li mbawa oson ni holonalo siwa hala.

Matyu 12:31

Jirin amu sawenduwa, mbele mbele kavakava ma li unda nga okolenda mashin li mbahanda nga Avui Wasilaka or laha ermbekwa lir. Hako os Masikome orhin li okole nahi, kavakava os li unda oson mbeek or laha ermbekwa ambu sir, wahau.

Matyu 11:18

Uhunda hom jir jikisakri ondo hom nanda jir. Jon akwan or halaha wain uku nga or ari ambu osik orin ji heyehe ji mbahanjira, “Toto wasimalengamba tolonda orik akwan anda ambu ri.” Karem jimu mbara.

Mashi jivi Jisashi Jon or kayeri 1:19

Judama li mbashirik pris lal nga Livaihi krahak fehenda ma lal nga Jerusalemin li halaha Jonik li raha orin limu silira, “Mir lawe mir?”

Mashi jivi Jisashi Jon or kayeri 8:22

Karem or mbarik Judama ondo limu mbara, “Mberemhi mashin or mbandu, “Jir yanga os a ikwa mishi orok ikwa ambu jir,” kas karem or mbawan? Wa orhinjik or mandingormehe hakwak mbandar?”