Mashi jivi Jisashi Jon or kayeri 7:15 - Nupela Testamen long tokples Mende long Niugini

¹⁵ Urik Judama li misihi wavu lihi mushak li hishihi limu mbara, “Ma roto skulik iri ambu ri. Hako katai angop skul unda hom sawenda re!”

Mashi jivi Jisashi Jon or kayeri 7:15 Referans Kwoze

Mashi jivi Jisashi Luk or kayeri 4:22

Karem or mbarik orok liri ma mashi jivi os or owesawerin li misihi limu lishnyafaha hi orhin limu hauowera. Hako limu mbara, “Ma toto men Josephi jikisi ri. Mberemhi nombok mashi jivi toson karem or sawendua?”

Matyu 13:54

kotontlo orhi Nasaretik or ihi aka os li lotu undari mishik or layihi mashin ormu sawera. Mashi os or sawerin li misihi wavu lihi musha mushak li hishihi limu mbara, “Ayo, ma toto hishiyarinda toso mbeyok or lar? Kwambu os ma undahi ambun or uwa mbeyok or lar?

Aposel 26:24

Pol mashin or sawerik Festus kwambu mendek ormu mbara, “Pol ferfar mimu mbanduwa. Hishiyarinda mihi wasilakak si nanda osik ferfar mbandam mbe?”

Mashi jivi Jisashi Jon or kayeri 7:46

Urik limu mbara, “Ma lar mbeek oto mbanda hom mbanda ambu ri.”

Mashi jivi Jisashi Luk or kayeri 2:47

Wavu orhi krahak er si nashirik mbele mbele ol li silirin krahak or saweshirik ma ondo amber limu lishnyafara.

Matyu 22:22

Karem or mbarik lir mbeek mashi las nga orin li mbakurik nari ambu sir. Urik orin li halaha limu ira.

Mashi jivi Jisashi Jon or kayeri 1:19

Judama li mbashirik pris lal nga Livaihi krahak fehenda ma lal nga Jerusalemin li halaha Jonik li raha orin limu silira, “Mir lawe mir?”

Matyu 22:33

Karem or mbarik mashi oson li misihi limu funurira.

Mashi jivi Jisashi Jon or kayeri 7:11

Hiyawu oson li uri wolo Judama lida lihi ondo Jisasin li lasaha limu mbara, “Ma oto mbeya?”

Mashi jivi Jisashi Jon or kayeri 7:13

Karem lihi ambek maintukurkop limu mbara. Mberem ushirik? Las avak Judama lida lihi ondo lirin li jinda ngashi. Karem mbaha li ajehe olmu maintukurkop mbara.

Aposel 4:13

Judama lida lihi ondo li heyeri, Pita fre Jon frir men ma kuyangak fehe vri. Hako mashi wasilakak fri mbaha kormbak fri sawehe mbeek ajeri ambu vri. Karem urik li heyehe wavu musha mushak limu hishira. Hako li hishihi limu mbara, “Ma tovro mas Jisas nga yandari vri.”