Mashi jivi Jisashi Jon or kayeri 6:70 - Nupela Testamen long tokples Mende long Niugini

⁷⁰ Urik ormu mbara, “Anhinjik jir ma 12-pela na kamari nir. Hako jihi lar Laulaka ria.”

Mashi jivi Jisashi Jon or kayeri 6:70 Referans Kwoze

Mashi jivi Jisashi Jon or kayeri 13:27

Judas akwan am or arakorik Laulaka, kolok, sunguwavu orhik ormu layira. Urik Jisas orin ormu mbara, “Mbele las mi ukwak mi hishi nahi, kolomalok uka.”

Mashi jivi Jisashi Jon or kayeri 13:2

Am si krinyarik akwan li aha limu lira. Judas jikisi Saimon Iskariothi oto er nga orok liri ri. Laulaka mashi os Jisasin ma kavahi tavarenjek or hakuri oson angop wavu orhik or eweri sir.

Mashi jivi Jisashi Jon or kayeri 17:12

Os lir nga nakrem a liwa wolo kwambu os anin mi hahanda orok lirin a arangoshiwak mbeek kavak nawa ambu lir. Hako mashi os maskop li kayehendari karem mbari osa. “Ma namtar nom kavak nakwa ri.” Uhunda osik ma oto nom kavak nakwa ri.

Mashi jivi Jisashi Jon or kayeri 13:18

Hako an mbeek jir amber a mbawa ambu nir. Ma ol a kamahanda angop a heyewa lir. Mashi os jekamba Avui Wasilakahik karem li kayeri oso osmu omek nakwak nanduwa. “Ma or an nga shi awa ma oto wutari anhik nakwa ria.”

Mashi jivi Jisashi Jon or kayeri 6:64

Angop a heyewa jir. Jir lal mbeek anin hishiowenda ambu jir. Karem uri osik angop jirin a saweri nir, ma lal mbeek lihinjik anhik tandahi ambu lir. Avui anhi nom sungu wavu lihin or jiwak anhik tanda lir.” Jisas ma ol mashi orhin tiyakurik nandari nga ma or orin wutarihi tavarenjek hakundari ma oto nga angop maskop or heyeri lir.

1 Jon 3:8

Hako kavakavan sishi unda ma ondo lawehi ma lir? Lir Laulakahi ma lira. Laulaka akri jishi wolokop sishi raha ter nga kavakavan sishi unda ria. Erem or sishi uri tontlo orok Avui Wasilaka jikisi orhin or mbashirik Laulaka lerawu orhi oson kavak or nakurik misambi torok tari ria.

1 Timoti 3:11

Hovok nokopji erema. Mashi worna nom li mbanak ma amber lirin li heyehe li mba, “Nokove ondo jivi lira.” Hako halanak mainsungu mashin mbaha maimbong ishitolowa li hala. Uhu halanak yawur li ruwol tava oloho lerawu os li lawan wornak er li laka.

Aposel 1:17

Mas wolo Judas nakrem nir nga nor sihi lerawun nakrem nir nga ni landari ria.” (

Mashi jivi Jisashi Jon or kayeri 15:19

Os jir lir hom ji na nahi, jirin rupshikwa lir. Hako jir mbeek misambik fehenda ambu jir. Angop jirin a kamashihindak anhi mak ji nawa osik jirin li wapkava hishihi kavak li nakwa jir.

Mashi jivi Jisashi Jon or kayeri 15:16

Jir mbeek masmas anhi mak ji nakmbaha hishiri ambu jir. An mu jirin anhi mak ji nakmbaha amu kamara. Ushinak ji ihi lerawu anhin ji laha inak akwa ome nga si naka. Unak akwa ome oso mbeek mendek nakwa ambu sir, ermba ermbak er nakwa sir. Os erem ji u nahi, mbele mbele hi anhik Avuin ji siliwa avak or hakwa jir.

Mashi jivi Jisashi Jon or kayeri 13:21

Jisas mashi oson or sawerakoho sunguwavu orhi nga nor holoho kormbak ormu mbara, “Omendingak jirin amu sawenduwa, jihi lar avak anin wutarihi tavarenjek hakwa ria.”

Mashi jivi Jisashi Jon or kayeri 8:44

Avoko jihi Laulaka orik mbele mbele os avoko jihi or uhunda hom os jimu unduwa. Mas araje wolokop sishi raha man mandingormenda ri. Mbele las omek nandan unda ambu ri. Mbele mbele os omek nanda mbeek orhik nanda ambu sir. Haimba handambanda mashi tontlo orhik nanda osik haimba handambanda mashi nom mbanda ri.

Taitus 2:3

Nokove ol nijavak nawa ondon karem ewesaweka, “Jir avak Avui Wasilakahi nombo wornan ji tiyaha mashi os si mbahanda hom erem ji uka. Man ngriaha maimbong ishitolowan ji hala! Wain ukun laka lakak ji awa hala. Hako mbele mbele jivi nom ji unak ma avak li heyehe nombo os ji tiyanda oson erem li tiyaha mbele mbele jivi nom li uka.

Aposel 13:10

“Mir Laulakahi jikisi mira. Mir jipjip linda nombo oson uwak kavak li nanda ma mira. Mir ermbak mi haimba handambaha wapkava hishihi os jipjip linda nombo Wasilakahin uwak kavak nanda ma mira. Hako mir os er mi unda oson halakwa ambu om?

Mashi jivi Jisashi Jon or kayeri 2:2

Urik Jisas nga ol orin tiyandari ma nga li mainhashirik limu ira.

Mashi jivi Jisashi Jon or kayeri 6:67

Urik Jisas ma 12-pela ondon or heyehe ormu silira, “Jir er nga anin ji kumaifakwak jimu hishindu?”

Mashi jivi Jisashi Jon or kayeri 6:71

Ma or or mbari oto Judas, Saimon Iskariothi jikisi ria. Or kumak Jisasin tavarenje wutarihik hakundari ma ria.

Mashi jivi Jisashi Jon or kayeri 20:24

Jisas ma ol orin tiyandari ondon or ta heyeri wolo lihi lar mbeek orok nakrem liri ambu ri. Ma oto hi orhi Tomas oria, hi yeje orhi Didimus oria.