Mashi jivi Jisashi Jon or kayeri 6:19 - Nupela Testamen long tokples Mende long Niugini

¹⁹ Os li iri 5-pela mo 6-pela kilomita hom li iri sir. Uhu li heyeri Jisas leuku heyek ormu ese ira. Or ihi am pasir bot oso siri mishi orok ormu nara. Urik limu ajera.

Mashi jivi Jisashi Jon or kayeri 6:19 Referans Kwoze

Mashi jivi Jisashi Jon or kayeri 14:18

An mbeek jirin a halashinak jingoro hom likwa ambu jir, wahau. Avak indik a rakwa nir.

Revelesen 21:16

Or heima heyeri hombelaka sihi nga fanyikanda sihi nga nakremkop nari vria. Kolaka oso os si nandari ambe 2,200 kilomitak nari sira. Uhu aka masuwu yoko nga hombelaka yoko nga fanyikanda yoko nga nakremkop nari lira.

Revelesen 14:20

Wain sijin li jimbresendari mishi oso kolaka hikriyok sindari sira. Wain sijin orok li jimbreserik fi simu tasara. Uhu fa laka hom si naha misambin simu sirira. Fi oso si tasaha si ngoro iri hombelaka sihi 300 kilomitak nari sir. Uhu ma fa wolnawak or mbuwak si frumundari hom nari sira.

Mashi jivi Jisashi Jon or kayeri 11:18

Betani oso Jerusalem mavayok nanda sir. Betanik sishihi Jerusalemik inda oso 3 kilomita hom nanda sir.

Mashi jivi Jisashi Luk or kayeri 24:13

Os nokove ondo mawak li iri wolo Jisasin tiyandari ma frijip yanga Emeus os Jerusalem nga kandakar nga homek nandari mishi orok ikurik frimu ira.

Mashi jivi Jisashi Luk or kayeri 9:42

Jikisi oto Jisasik or takurik or tarik wasimalengamba orin or kisha ermberik ormu tukuyira. Uhu ormu kwarnguarna mendera. Urik Jisas wasimalengamban or ngriaha nor mbarik jikisi oto jivik ormu nara. Uhu nor halashirik indik avoko orhik ormu ira.

Mashi jivi Jisashi Jon or kayeri 6:18

Urik suwa wasilaka mendek si rasaha leuku oson si urik simu laulau rakara.

Mashi jivi Jisashi Jon or kayeri 6:20

Urik ormu mbara, “Ji ajewa hala! An mu randu te.”