Mashi jivi Jisashi Jon or kayeri 4:45 - Nupela Testamen long tokples Mende long Niugini

⁴⁵ Hako yanga orhi Galilik indik or irik orok fehe ma ondo orin li rupshihi limu flehava kwara. Mberem ushirik? Hiyawu Pasovan li undari wolo Jerusalemik mbele lal ma undahi ambu ondon or urik angop li heyeri osik orin limu rupshira.

Mashi jivi Jisashi Jon or kayeri 4:45 Referans Kwoze

Mashi jivi Jisashi Jon or kayeri 2:23

Jisas Pasova wolok Jerusalemik or lihi mbele mbele ol ma undahi ambu ondon or urik ma li heyehe limu mbara, “Ma roto Avui Wasilaka kamahanda ma ria.”

Mashi jivi Jisashi Jon or kayeri 3:2

Nirik or taha ormu sawera, “Tisa, nir angop ni heyenda sir, os Avui Wasilaka ma lar nga or lina ambu nahi, ma oto mbeek mbele mbele ma undahi ambu lal ukwa ambu ri. Hako nir angop ni heyenda mir, mbele mbele ma undahi ambu ondon unda mira. Karem uwosik nimu mbanduwa, mir tisa Avui Wasilaka mbashirik tari mira.”

Mashi jivi Jisashi Luk or kayeri 9:53

Hako ma ol Samariak fehe mbeek Jisasin li laha inak yanga orok or layikmba hishiri ambu lir. Mberem ushirik? Jisas Jerusalemik or ikurik nari osa.

Mashi jivi Jisashi Luk or kayeri 8:40

Urik Jisas leuku tasayok indik ormu tara. Ma amber orin li nikishiri osik or tarik li heyehe limu rupshira.

Mashi jivi Jisashi Luk or kayeri 13:1

Jisas mashin or saweshirik ma lal orin li sawe limu mbara, “Pailat awun unda ma orhi ondon or mbashirik Galilik fehe ma lal tempel akak limu mandingormera, os Avui Wasilakan li nambundari wolok.”

Mashi jivi Jisashi Jon or kayeri 4:54

Jisas os provins Judian or halaha Galilik or tari wolo mbele las ma undahi ambu oson yanga Galilik nindisik or uri kasira.