Mashi jivi Jisashi Jon or kayeri 4:3 - Nupela Testamen long tokples Mende long Niugini

³ Urik Jisas or misiri, Farisi ondo lerawu os or larin angop li mistakori sir. Karem uri osik provins Judian or halaha indik yanga Galilik or ikmbaha ormu ira.

Mashi jivi Jisashi Jon or kayeri 4:3 Referans Kwoze

Matyu 10:23

Yanga os ji liwa mishi orok os jirin kavakavak li u nahi, yanga anandik ji tulu ika. Omendingak jirin amu sawenduwa, yanga yanga Israelik fehenda orok lerawun ji larako namber Ma Jikisi Avui Wasilakahi takwa ria.

Mashi jivi Jisashi Jon or kayeri 11:54

Erem nari osik Jisas mbeek kormbak provins Judia orok yari ambu ri. Judian or halaha misamtelmbamba mavayok or ihi yanga Efraimik ol orin tiyandari ma nga limu lira.

Mashi jivi Jisashi Jon or kayeri 10:40

Uhu or layihi fa Jordanin or mbuhu kauyok or lawuhu os Jon hulaima nokopman fak or tolofalendari mishi orok ormu wara.

Mashi jivi Jisashi Jon or kayeri 3:22

Uhundarik Jisas ma ol orin tiyandari nga yanga oson li halaha provins Judiak limu ira. Uhu niri lal orok li lihi man ormu fak tolofalera.

Mashi jivi Jisashi Jon or kayeri 2:11

Jisas mbele las ma undahi ambu maifu mendek yanga Kana provins Galilik or uri kasira. Maintontlo os or uri karem. Or hiushama kwambu nga nanda ria. Oson or urik ol orin tiyandari ma ondo li heyehe limu mbara, “Ma toto kwambu ngashi ria.”

Mashi jivi Jisashi Jon or kayeri 1:43

Niri las am si irik Jisas yanga Galilik or ikurik ormu ira. Or ihi ma lar, hi orhi Filip, orin or heyehe ormu mbara, “Mir anin tiyaka!”

Mashi jivi Jisashi Mak or kayeri 3:7

Jisas nga ma ol orin tiyandari ondo nga kuyanga oson li halaha leuku Galilik limu ira. Orok li irik ma musha mendek orhik limu tara.

Mashi jivi Jisashi Jon or kayeri 3:32

Or mashi os or sawewa mbele mbele ol or heyenda nga or misinda nga sawenda ria. Hako ma misambik fehe mbeek mashi orhin misihi toltambananda ambu lir.

Mashi jivi Jisashi Luk or kayeri 17:11

Jisas Jerusalemik or ikurik ormu ira. Or ihi provins Samaria nga Galili nga frihi wolo ambek ormu ira.

Mashi jivi Jisashi Jon or kayeri 7:1

Provins Judiak fehenda Judama Jisasin mandingormekurik li mbari osik orok or ikurik hishiri ambu ri. Yanga Galilikop ormu yara.