Mashi jivi Jisashi Jon or kayeri 3:4 - Nupela Testamen long tokples Mende long Niugini

⁴ Urik ormu silira, “Mberemhi sir? Os nijava jikisin si washihindak wasilakak or nawa mbeek indiyok nijava orhi sunguk layinak indik si wakwa ambu ri.”

Mashi jivi Jisashi Jon or kayeri 3:4 Referans Kwoze

1 Korin 2:14

Ma ol Masikome Avui Wasilakahi ngashi ambu ondo mashi Avui Wasilakahin ni sawewa wolo, li krehe turamaranda lir. Mberem ushiwak? Lir mbele mbele jivi ol Masikome orhi sawenda ondon li misiwa, oso mbelenda ma mbanda mashi, karem mbanda lir. Hako nir mbele mbele jivi ol Masikome orhi sauhanda nombo orok ni hishiyarihi lerawun ni landa nir.

1 Korin 1:18

Omendinga sir, ma ol mashi Avui Wasilakahin kumaifaha hik inda nombok sinda ma ondo karem mbanda lir, “Mashi oso mbelenda ma mbanda mashi sir. Ma or miandok hahanda oto nirin jivinandahi ambu ri,” karem mbanda lir. Hako nir mashi Avui Wasilakahin ni misindiyaha hevenik inda nombok sinda nir. Nir ni hishiwa karem, Jisas miandok or hahanda nombo orok Avui Wasilaka kwambu orhik nirin jivinari ri, karem nimu hishinduwa.

Mashi jivi Jisashi Jon or kayeri 3:3

Karem or mbarik Jisas ormu mbara, “Omendingak mirin amu sawenduwa, os ma lar ma akrik or nana ambu nahi, or mbeek yanga os Avui Wasilaka hulaima nokopman or arangoshinak orhi siyok li sikwa yanga orok ikwa ambu ri.”

Mashi jivi Jisashi Jon or kayeri 6:53

Urik Jisas mu lirin sawera, “Omendingak jirin amu sawenduwa. Os maome anhi nga fi anhi nga ji ana ambu nahi, jir mbeek ermba ermbak lindan lakwa ambu jir.

Mashi jivi Jisashi Jon or kayeri 6:60

Karem or mbarik ol orin tiyandari ma ondo mashi oson li misihi limu mbahanjira, “Wahau te! Mashi oson ni hishiwa kom te! Sunguwavu nihi osmu kavak nanduwa.”

Mashi jivi Jisashi Jon or kayeri 3:5

Karem or mbarik ormu mbara, “An mbeek nijavahi sunguk mi layinak indik si wakwa mashin a mbawa ambu nir. Mashi os a mbawa karem, os ma lar uku nga Masikome Avui Wasilakahi nga ma akrik or nana ambu nahi, or mbeek Avui Wasilaka yanga orhi orok ikwa ambu ri, wahau.