Mashi jivi Jisashi Jon or kayeri 18:20 - Nupela Testamen long tokples Mende long Niugini

²⁰ Karem or silirik ormu mbara, “An mbeek a wanyisawenda ambu nir, wahau. Mashi os a sawenda oso kormbak a sawenda nir. An ermba ermbak os li tirsanda mishik a ihi tempel aka nga li lotu unda aka nga orok a ihi mashin kormbak a sawenda nir.

Mashi jivi Jisashi Jon or kayeri 18:20 Referans Kwoze

Mashi jivi Jisashi Jon or kayeri 7:26

Hako ji heyeka, tor mashin kormbak sihi sawendu te! Mberem ushiwak lida nihi orin li pantlekwan li halandu? Ma roto Krais, Avui Wasilaka kamashirik hulaima nokopman jivinakmbaha tari marmbe? Karem hishindal? Uhu orin li pantlekwan olmu halanduwa.

Matyu 4:23

Jisas yanga yanga os provins Galilik nanda mishik ormu yara. Uhu aka os Judama li lotu undari mishik or layihi mashi os Avui Wasilaka lirin or arangoshinak jip li likwa mashi oson ormu sawera. Uhu ma ol silawala kavamisindarin or mbarik jivik limu nara.

Mashi jivi Jisashi Luk or kayeri 21:37

Jisas tempel aka orok mashin sawendari ri. Uhu niri wolo yanga os telemba Oliv orok nandari orok or ihi wandari ri.

Mashi jivi Jisashi Jon or kayeri 7:4

Os ma lar hiushamak or nakwak or hishi nahi, mbele mbele ma undahi ambu ondon kormbak or unak ma amber li heyeka. Hako mir wahau, mbeek ondon kormbak unda ambu mir.”

Mashi jivi Jisashi Luk or kayeri 4:15

Uhu ermba ermbak Judama lotu undari aka orok man ewesaweri ria. Urik ma amber hi orhin limu hauowera.

Matyu 26:55

Karem or mbaha ol orin tolokurik tari ma ondon ormu mbara, “An hirnyanda ma, karem ji hishihi bainat nga kombe nga jimu laharandu? Ermba ermbak tempel aka orok mashi Avui Wasilakahin a ewesawenda nir. Oro wolok anin ji tolondari mberem ji mbar?

Matyu 9:35

Jisas yanga yangak amber hom ormu yara. Uhu aka os Judama li lotu undari mishik or layihi mashi os Avui Wasilaka lirin or arangoshinak jip li likuri mashi oson ormu sawera. Uhu ma ol kavamisindarin or mbarik jivik limu nara.

Mashi jivi Jisashi Jon or kayeri 8:26

Mashi musha jirin a sawekwak nanda os te! Mbele mbele os ji undan angop a heyewa nir. Hako avak mbele mbele os ji unda kava jihi orok jirin a heyembakwa ambu nir. Ma or mbashirik a rahanda orhi mashi nom a sawekwa nir. Mbele mbele omek nanda tontlo oria.”

Mashi jivi Jisashi Jon or kayeri 8:2

Orok or lawuhu wahandaha nirsumbu mendek tempel akak indik ormu layira. Urik ma mushak orhik li ralandirsarik mashin ormu owesawera.

Mashi jivi Jisashi Jon or kayeri 7:28

Urik Jisas tempel aka orok or sihi mashin ormu sawera. Uhu ormu mbara, “Jir an lawe, karem ji hishindu? Uhu kotontlo anhi os a rahanda nga am jimu hishindu mo wahau? Hako an mbeek anhinjik a tari ambu nir. Avui anhi mbashirik a tari nir. Or mbele mbele omek nanda tontlo oria. Hako jir mbeek orin heyenda ambu jir.

Mashi jivi Jisashi Jon or kayeri 7:14

Hiyawu oso am nindik si narik Jisas tempel akak or layihi mashin ormu sawera.

Matyu 26:65

Karem or mbarik hetpris or waplelenaha kowe orhin or frehe ormu mbara, “Ambehoma, mbeek ma lal nga ni mbanak raha sawekwa ambu lir. Toto Avui Wasilakan okolembawa toria. Angop ni misiwa sir, tos ter or mbawan.

Aposel 26:26

King Agripa, mir mbele mbele amber ol talahandak a mbawa angop mi heyenda lir. Uwa osik kormbak a sawewa nir. Mbele mbele ol a mbawa mbeek misokome mihikop mi heyehe mambla mihikop mi misiwa ambu lir, wahau. Ma amber angop li heyerakonda lir.

Matyu 24:26

Karem uri osik os li mba, “Krais ma ngashi mishi ambu orok or lindu.” Karem li mba nahi, orok ji iwa hala. Uhu os li mba, “Aka orok or lindu.” Karem li mba nahi, mashi lihin ji misiwa hala.

Mashi jivi Jisashi Mak or kayeri 8:32

Mashi oson or saweri kormba mendek si narik limu misira. Urik Pita Jisasin mantle yok or lai owehe mainkwambuk ormu mbara, “Erem mbawa hala!”

Mashi jivi Jisashi Jon or kayeri 6:59

Jisas yanga Kaperneamik or lihi Judama lotu undari akak mashi kason ormu owesawera.

Mashi jivi Jisashi Jon or kayeri 18:21

Mberem ushiwak anin mi silindu? Ma ol a sawerik misinda ondon silika. Lir angop a sawewan misinda lir.”