Mashi jivi Jisashi Jon or kayeri 13:36 - Nupela Testamen long tokples Mende long Niugini

³⁶ Urik Saimon Pita Jisasin ormu silira, “Wasilaka, mbeek mi iku?” Urik ormu mbara, “Yanga os a ikwa mishi oso mir mbeek ter anin mi tiya ikwa ambu mir. Hako kumak avak tiya ikwa mir.”

Mashi jivi Jisashi Jon or kayeri 13:36 Referans Kwoze

2 Pita 1:14

Mberem ushiwak? Na hakwa wolo am pasir naw, karem Wasilaka nihi Jisas Krais angop anin saweri ri.

Mashi jivi Jisashi Jon or kayeri 13:33

Jikisi anhi ji misi, an mbeek jir nga nambek a likwa ambu nir. Jir avak anin lasafukwa jir. Uhu mbeek ji heyekwa ambu nir. Mashi kaso Judama ondon angop a saweri sir. Hako ter os amu jirin indik sawenduwa, jir mbeek yanga os a ikwa mishi orok ikwa ambu jir.

Mashi jivi Jisashi Jon or kayeri 16:17

Karem or mbarik ol orin tiyandari ma ondo lihi ambek limu mbara, “Mberemhi mashi kas or mba, “A ishinak mbeek anin heyekwa ambu jir. Uhu kandakar nga ji linak indik a ranak ji heyekwa nir.” Uhu nor mba, “Avuihik a ikwa nir.” Mberemhi mashi sir?

Mashi jivi Jisashi Jon or kayeri 14:2

Avui anhi aka orhi oso wasilaka mendek nanda sir. Uhu nindi nindik musha mendek or tlehenda sir. Avak a ihi os ji likwa mishin a hundujekwa nir. Erem si nanda ambukop an mbeek mashi kason jirin a sawewa ambu nir.

Mashi jivi Jisashi Jon or kayeri 16:5

Hako am jirin a halaha ma or mbashirik a rahandahik indik a ikwak si nashiwak mashi kason jirin amu sawenduwa. Hako jir lar mbeek anin silikwa ambu ri, “Mbeek mi iku?”