Mashi jivi Jisashi Jon or kayeri 1:31 - Nupela Testamen long tokples Mende long Niugini

³¹ An ngana mas mbeek orin yawur a heyekrahakorori ambu nir. Hako yanga Israelik fehenda ma orin kormbak li heyekmbaha men fambak man a tolofalekurik a tari nir.”

Mashi jivi Jisashi Jon or kayeri 1:31 Referans Kwoze

Mashi jivi Jisashi Luk or kayeri 1:17

Uhu or kwambu Elaijahik nahandari oso nga nakwa ri. Masmas or ihi nombo Wasilakahin hundujekwa ri. Uhu nor mbanak avoko jikisi lihin li sawenak hangisha likwa lir. Uhu or mbanak mashin mblarnanda ma avak hafaka likwa lir. Karem or uhu hulaima nokopmahi wavun hundujeshinak Wasilaka takwa ria.”

Mashi jivi Jisashi Jon or kayeri 1:7

Ukruharanda mashi oson sawekurik talari ria. Ushinak ma misambik fehe mashi oson sunguwavu lihik li ewekmbahan.

Matyu 3:6

Li raha kavakava li undarin kormbak li sawerik fa Jordanik lirin ormu tolofalera.

Aposel 19:4

Urik Pol mu mbara, “Mas Jon os hulaima nokopman fak or tolofaleri oso men kavakava os li undarin li halaha Avui Wasilakahik li takmbaha nor uri sira. Hako or ma or kumasik takuri ma oton wavu lihik li owehe orin li tiyakmbaha normu sawera. Ma oto Jisas oria.”

Matyu 3:13

Oro wolok Jisas provins Galilin or halaha Jon orin fak or tolofalekmbaha fa Jordanik ormu rara.

Mashi jivi Jisashi Jon or kayeri 1:30

Ma kar mas a sawerik ji misihinda ma toria. Mas karem a mbari nir, ma lar avak anhi kumayok rakwa ri. Or Wasilaka anhi ri. Or angop maskop nahandari ri. Hako an kuma na nari nir.

Mashi jivi Jisashi Jon or kayeri 1:32

Uhu ormu mbara, “Avui Wasilaka man fak tolofalenda lerawu oson anin or haha karem anin saweri ria, “Kumak mi heyenak Masikome anhi ma larik or linak mi heyewa, ambehoma, ma oto Masikome anhin hulaima nokopman hakwa ma ria.” Karem anin saweri ri. Hako an ngana ma oton mas a heyeri ambu nir. Hako hinyer mendek a heyerik Masikome Avui Wasilakahi hevenin or halaha apmuma hom Jisasik ormu raka lira.