Jems 4:10 - Nupela Testamen long tokples Mende long Niugini

¹⁰ Os jihinjik ji hafakaha ji mba, “An mbeek anhinjik jivik a nandahi ambu nir,” karem ji mba nahi, Avui Wasilaka avak jirin jelyakwa ri.

Jems 4:10 Referans Kwoze

Matyu 23:12

Hako os jihinjik ji yerkujihi ji mba, “An malakama anira.” Karem ji mba nahi, kumak avak Avui Wasilaka or unak hi jihi si rakanak humblarakwa jir. Hako os jihinjik ji hafakaha ji li nahi, kumak avak or unak hi jihi wasilakak nakwa sir.”

1 Pita 5:6

Uwa osik jir jihinjik ji hafakaha kwambu Avui Wasilakahi siyok ji sika. Uhundanak kumak os or mbahanda wolok si nanak hi jihi avak metenjek or hauowekwa sir.

Mashi jivi Jisashi Luk or kayeri 14:11

Uwa osik ji misi. Ma or hi orhin orhinjik metenjek hauowewa, avak Avui Wasilaka hi orhin or hakaowekwa ora. Hako ma or orhinjik hafaka liwa, avak Avui Wasilaka hi orhin metenje mendek or hauowekwa ri.”

Mashi jivi Jisashi Luk or kayeri 1:52

Malakama ol kwambu nga nanda ondon or mbanak hi lihi avak mendek nakwa sir. Hako ma ol hi ngashi ambu ondo hi lihin hauewekwa ri.

Mashi jivi Jisashi Luk or kayeri 18:14

Uhu Jisas mu mbara, “Jirin amu sawenduwa. Ma or takis yan landa ma oto Avui Wasilakahi misokomek jivik or naha indik aka orhik ormu ira. Hako Farisi oto, wahau. Mberem ushirik? Ma ol hi lihin hauowenda ondo Avui Wasilaka hi lihin or hakaowenda lir. Ma ol lihinjik hafakaha liwa, Avui Wasilaka hi lihin or hauowenda lir.”