1 Jon 2:9 - Nupela Testamen long tokples Mende long Niugini

⁹ Os ji mba, “An harandak amu sinduwa.” Karem ji mbaha Jisasin hishindiyanda ma ondon ji wapkava hishi ji waplelena nahi, jir mbeek harandak sinda ambu jir, wahau. Jir nirtle nirndum nanda orok er sinda jir.

1 Jon 2:9 Referans Kwoze

1 Jon 4:20

Os ji mba, “An Avui Wasilakan wapnuku anhik a ewenda nir.” Karem ji mbashihi Jisasin hishindiyanda ma ondon ji wapkava hishi nahi, jir men mbafirimbanda ma jir. Mberem ushiwak? Os ma ol jir nga nakrem linda ondon wapnuku jihik ji ewena ambu nahi, mberem jivai Avui Wasilaka or hevenik lindan wapnuku jihik ji eweku? Wahau, mende indinga.

1 Jon 2:11

Hako os Jisasin hishindiyanda ma ondon ji wapkava hishi nahi, nirtle nirndum orok er sinda jir. Nirtle nirndum nanda oso angop misokome jihin si arangoshiwak jir mbeek os ji ikwa nombo oson heyenda ambu jir.

2 Pita 1:9

Hako os erem nanda nombo nga ji na nahi ambu, misokome tumunda ma hom ji naha mbeek yawur heyenda ambu jir. Uhu os Avui Wasilaka kavakava ol ji undan or yoko ermbeshihindak jivik ji nahandan angop hishakashanda jir.

1 Jon 2:4

Hor mbawa nombon ji tiyana nahi ambu, jir men mbafirimbanda ako os ji mba, “An Avui Wasilakahi ma nir.” Hako os ma jira. Uwak mainome orhi mbeek sunguwavu jihik nanda ambu sir.

1 Jon 1:6

Hako nir os nirtle nirndum er ni ya nahi, avak ni mba, “An Avui Wasilaka nga nakrem shi sinda shir.” Os karem ni mba nahi, os nimu mbafirimbanduwa. Uhu mbeek nombo worna orhin ni tiyanda ambu nir.

Mashi jivi Jisashi Jon or kayeri 9:41

Karem li silirik ormu mbara, “Os jihinjik ji mba, “Misokome nihi tumunda sir.” Os erem ji mba nahi, a unak jivik nakwa jir. Hako jir, “Nir misokome nihi jivi sira.” Karem ji mbanda osik kavakava jihi er nakwa sir, mbeek mendek nakwa ambu sir.”

Aposel 1:15

Oro wolok Jisasin hishindiyandari ma 120 hom li tirsaha li lirik Pita lihi nindik or usasihi ormu mbara,

1 Jon 3:10

Lawe ol Avui Wasilakahi jikisi lir? Lawe ol Laulakahi jikisi lir? Mberem nivai heyeku? Os ni heyekwa karem, ma ol mashi Avui Wasilakahin mblarnaha kavakavan unda ondo mbeek orhi jikisik nanda ambu lir. Uhu ma ol nakrem Kraisin li hishindiyanda man rupshihi wapnuku lihik ewenda ambu ondo mbeek Avui Wasilakahi jikisik nanda ambu lir, wahau.