1 Jon 2:4 - Nupela Testamen long tokples Mende long Niugini

⁴ Hor mbawa nombon ji tiyana nahi ambu, jir men mbafirimbanda ako os ji mba, “An Avui Wasilakahi ma nir.” Hako os ma jira. Uwak mainome orhi mbeek sunguwavu jihik nanda ambu sir.

1 Jon 2:4 Referans Kwoze

1 Jon 1:6

Hako nir os nirtle nirndum er ni ya nahi, avak ni mba, “An Avui Wasilaka nga nakrem shi sinda shir.” Os karem ni mba nahi, os nimu mbafirimbanduwa. Uhu mbeek nombo worna orhin ni tiyanda ambu nir.

Taitus 1:16

Erem nanda ma ondo men suwambushikop karem mbanda lir, “An Avui Wasilakan a hishiowenda nir.” Hako wahau, mbele mbele ol li uwa ondo olmu nirin mukuhu sawenduwa, “Tondo angop Avui Wasilakan halawa tolira.” Ma kava indingak li naha ferfar uhu mashin mblarnanda lir. Lir mbeek mbele jivi las undahi ambu lir, wahau.

1 Jon 1:8

Os ni mba, “An kavakava nga na nanda ambu nir.” Karem ni mba nahi, wa os nimu mbafirimbanduwa. Uhu nombo worna Avui Wasilakahin ni tiyakwan os nimu halanduwa.

1 Jon 4:20

Os ji mba, “An Avui Wasilakan wapnuku anhik a ewenda nir.” Karem ji mbashihi Jisasin hishindiyanda ma ondon ji wapkava hishi nahi, jir men mbafirimbanda ma jir. Mberem ushiwak? Os ma ol jir nga nakrem linda ondon wapnuku jihik ji ewena ambu nahi, mberem jivai Avui Wasilaka or hevenik lindan wapnuku jihik ji eweku? Wahau, mende indinga.

1 Jon 2:9

Os ji mba, “An harandak amu sinduwa.” Karem ji mbaha Jisasin hishindiyanda ma ondon ji wapkava hishi ji waplelena nahi, jir mbeek harandak sinda ambu jir, wahau. Jir nirtle nirndum nanda orok er sinda jir.

1 Jon 1:10

Hako os ni mba, “Nir kavakava nga ni nanda ambu nir.” Karem ni mba nahi, wa Avui Wasilaka mbafirimbanda ma ria, karem nimu mbanduwa. Uwosik mashi orhi mbeek sunguwavu nihik nanda ambu sir.

Mashi jivi Jisashi Jon or kayeri 8:44

Avoko jihi Laulaka orik mbele mbele os avoko jihi or uhunda hom os jimu unduwa. Mas araje wolokop sishi raha man mandingormenda ri. Mbele las omek nandan unda ambu ri. Mbele mbele os omek nanda mbeek orhik nanda ambu sir. Haimba handambanda mashi tontlo orhik nanda osik haimba handambanda mashi nom mbanda ri.

Taitus 1:10

Sios orok fehenda ma mushak mbeek Avui Wasilakahi mashin omek sawenda ambu lir, wahau. Lir men maintarmben sawehe man nombo kavak tolmbangonda lir. Ol erem nanda ma ondo mamatar lihi Judama lir. Ter olmu Jisasin tiyanda mak li nakmbaha olmu mbanduwa. Hako karem ewesawenda lir, “Os Judama lo lihin amber hom ji tiyana ambu nahi, jir mbeek ermba ermbak linda oson lakwa ambu jir.”

1 Jon 2:3

Nihinjik mberem nivai heyeku, os Avui Wasilakahi mak ni nawan? Nihinjik ni hishika, os or mbawa hom ni unda on mo wahau? Os or mbawa hom ni u nahi, ambehoma, orhi mak nimu nanduwa.

1 Jon 3:6

Undosik os Krais nga nakrem ni si nahi, nir mbeek kavakavan ni sishi unda ambu nir, wahau. Hako ma ol kavakavan sishi unda ma ondo mbeek orin yawur heyekrahakoronda ambu lir, wahau.

1 Jon 4:7

Naimble anhi jirin ji misi, man wapnuku jihik ji eweka. Man wapnukuk ewenda nombo oso tontlo sihi Avui Wasilakahik nahanda sir. Karem unda osik ma or ma anandin wapnukuk ewewa ma oto angop Avui Wasilakahi jikisik or naha orin heyekrahakorowa ria.