Luka 16:19 - Wɩɩsɩ Nyʋʋfalɩɩ Teŋ (Ghana)

¹⁹ Ɛɛ rɛ Yesu bɩl maga namaga a baa, “Kɩna tɩɩna kɩdɩgɩ rɛ gyɩ we doŋ, a gyɩ kɩ laalɩ gabala dʋŋ, aŋ we sʋma dʋŋ tɩyaŋ kyɛɛ bee ʋ nyʋwa buloŋ.

Luka 16:19 Referans Kwoze

WƖLƖƖDAGƖYA 18:16

‘Owu! Owu! Tɔbal no fa weliye rɛ, a kaŋ kɩweliye mɛ. Ʋ fa aa laalɩ gawelii aa yaa kɩfɩyaŋ abee kyʋkyɔnɩɩ rɛ, ka ʋ kpa salma abee sɩfɩyaŋbʋwa iriŋ iriŋ abee gyiiŋbiweliye a kpɩyɛrɩ ʋ tɩɩ.

WƖLƖƖDAGƖYA 18:7

Ma dɔgɩsɩ ʋ weliŋ, a leŋ dɩ tʋwara bee tɩkyogi gyʋʋ ʋ, a maga gɛɛ tɩɩ ʋ gyɩ aa daga ʋ gaŋdarɩ, abee gɛɛ hʋ ʋ gyɩ aa nɩɩ sʋma. Beewɩya ʋ aa bɩɩnɩ ʋ hakɩla tɩyaŋ nɛ abaa, ‘Ŋ yaa kuwori rɛ, ŋ bɩ yaa lohaaŋ, ŋ bɩ sɩ maakyiye wɩɩ loho’

WƖLƖƖDAGƖYA 17:4

Haaŋ hʋ fa laalɩ gal aa yaa kɩfɩyaŋ bee kyʋkyɔnɩɩ rɛ, aŋ kpa salma abee sɩfɩyaŋbʋwa iriŋ iriŋ abee gyiiŋbiweliye a kpɩyɛrɩ ʋ tɩɩ, aŋ fa kol salma nɩɩnyʋwagbaŋbiye mɛ aa suwo abee sɔkɔsɩ-wɩya abee bisiŋ wɩya hʋ aa lɩɩ ʋ sɔŋsɔŋ hʋ tɩyaŋ,

Luka 16:1

Yesu gyɩ maga namaga no tɩya ʋ hatɩnna rɛ a baa, “Kɩna tɩɩna kɩdɩgɩ rɛ gyɩ we doŋ, a kaŋ tʋŋtʋnnɩ kɩdɩgɩ, a leŋ ʋ kɩ deŋ ʋ kɩna. Ɛɛ rɛ nala ko basɩ tɩya kɩna tɩɩna hʋ anɩɩ ʋ tʋŋtʋnnɩ hʋ kaŋ ʋ dʋwa buloŋ kyogi kɩ ta rɛ.

Maakɩ 15:17

Ɛɛ rɛ ka ba kpa gafɩyaŋ a laalɩ ʋ, a kyɛ sɔsɩ a kaŋ sʋwa nyupugi, ʋ kɩɩ kuwori nyupugi gɛɛ, ba kpa kyige ʋ.

Luka 15:13

Ʋ bɩ pɩɩsa, ka haŋbiye hʋ tɩɩna sii kpa kɩna hʋ buloŋ ʋ aa laa, a yallɩ, a sii kpa mʋ we paalʋʋ bolii kɩdɩgɩ tɩyaŋ. Doŋ nɛ ʋ kaŋ molbiye hʋ mʋ, a kpa yaa wɩvɩyagyɩmɩya, ba buloŋ teŋ.

Maakɩ 15:20

Ba aa yaa ʋ sɩya hʋ ko teŋ, ba wuri gafɩyaŋ hʋ aŋ paa ʋ tɩɩ gannɩ laalɩ ʋ, a kana ʋ lɩɩ ŋmanɩɩ dɩ ba kana ʋ mʋ kpaasɩ daagarɩɩ hʋ tɩyaŋ.

Luka 16:18

Baal hʋ buloŋ aa vɩya ʋ haaŋ, aŋ bɩl mʋ kpa hadɩma, ʋ yaa sɔŋsɔnnɩ rɛ. Baal hʋ mɛ buloŋ aa kpaa haaŋ aa vɩya ʋ bala, ʋ mɛ yaa sɔŋsɔnnɩ.”

Luka 16:20

Nyaabʋ kɩdɩgɩ mɛ gyɩ we doŋ ba kɩ yɩrɩ Laazʋrɔsɩ, ʋ teŋ buloŋ gyɩ yaa dʋgʋlɩya. Ʋ gyɩ aa sii leŋ ba kana ʋ mʋ holli kɩna tɩɩna hʋ dimbeenyʋwa tɩyaŋ nɛ. Ʋ gyɩ aa kɩ yɩyɛlɩ anɩɩ kɩna tɩɩna hʋ ko kɩ di kɩna, kɩna hʋ aa sɩ tele taŋha dɩ ʋ mɛ paa ba di. Haalɩ, ka vasɩ mɛ gyɩ aa ko kɩ lenni nyaabʋ hʋ dʋgʋlɩya hʋ.