Yohanes 8:48 - Allahle a neme heteungekoke homofae

⁴⁸ Yahudi ro miyae yae Yesusre wainye, “Na ijen sele meyae elande, ‘Weyae Samariana ro, alo yae aubokete kiyae’!”

Yohanes 8:48 Referans Kwoze

Yohanes 7:20

Nebei ro miyae helen mae wainye, “Ware alobe aubokete koyae! Nde yae Ware honoibotere baete?”

Yohanes 8:52

Yahudi ro miyae yae wainye, “Nda hee yae wa meyae isaeyaendeboke Weyae alo yae ayeubokete koyae! Rabuhine ban Abraham naei uwa nane merau Allahle yenjo kayaayo nanemene heraiboke. Nebeibe Weyae eleyae, ‘Nde Reyae wamale are hubara haeisa yanennele kiyae here ehubayeikoi nekende.’

Yohanes 10:20

Ro miyae helen elate, “Neyae alobe aungeboke kole, nane merau keube aungeboke kole. Rahere nebei kiyaele a elelere mayae boraunge?”

Yohanes 4:9

Nebeibe nda Samaria miyae yae weunge, “Ae, na ijen ban sele weyae Yahudi ro reyae Samariana miyae lonbe bure aneufindere mekaeriyarae?” (Rabuhine ban Yahudi ro miyae yae Samaria ro miyaere ele moinya yae me baeyaimine.)

Matius 15:7

Mayae ro miyae faeu kai bee. Naijen sele mai naeise Allahle yendo kayaalo Yesaya yae Allah ukeunge a nuleungekoke. Nebei a nda mekai yae moloukoke,

Matius 12:24

Farisi holona borokate bae nda ro miyaere waimi, “Beelzebul, walobo yun mae elae ikeungebe, walobore hukeumi.”

Matius 10:25

Isaeise isaeyele kiyae nebei isaeise keleunge kiyae naei wali nibi hului mbai orole, rilibo ehayei. Yebaei bubaei naei rowale wali nibi hului orole. Reyae imae yun wanen Kiyaere walobo yun Beelzebul ro raisebokene, mayae nebei sului mbai Raei imae mbai nekaube yo wanen nane merau ro na beko hele yae ronayembe.

Matius 10:5

Na moisa orowate yo ro me bee oro nen bee belere Yesus ukeumi enaterene a weumi, “Yahudi ro miyae ban naei yo yan bele Samaria kanina yo yan honate bele nibire yae eweyeijae.

Yakobus 2:19

Weyae na hele eleyae Allah mbai ken sele. Nebei foi sele. Nebei sului mbai walobo yoni-yoni Allah mbai yae elate nane merau nebei aerene kulu wai rokate kate.

Roma 15:3

Rabuhine ban Yesus Wali Ondofolo Naei uwa foi naeibe Neyae bene enekei. Bukainyehike Allahle homofaene Wali Ondofolo yae Allahre nda a ukeunge: “Ware yae haranayeibote ungayete a beko yoni-yoni, Rare lon mae haraiseboke waise wanen hubawanale.”

Yohanes 13:13

Mayae Rare Guru yae Tuhan mae kaenaufe. Mai a na ijenbe waufe, Reyae Niyae.

Ibrani 13:13

Nebei aerene men, eyae yo moise emabalende wanen Musale walora wali heere foloukoke a huluinye hakoimeyannere nukemambon, Yesusre aukaka kowainye ma nanembainye aengkele aukaka enaimekonde.

Matius 12:31

Nebei aerene Reyae mare wamale, nde yae me hila u hilae Rare konsele, a beko faeu beko Rare wensele kiyae Allah naei beko bako faeinyennebonde. Nebeibe nde yae Allahle Roh Naei me u mokole walobolena elae walora mokale yae elengkondena, Allah nare buhae eheikoi sului.

Matius 11:18

Rabuhine ban Yohanes bure koumi kiyae meke bae raman bele bu bele nendon ban aneinye, nebeinye ro miyae yae elate, ‘Nda ro alo yae aungeboke.’

Yohanes 1:19

Naei uwa naei are hinenainyehindere, Yerusalemna Yahudi ro miyae yae imam yoni-yoni bele Lewi yohona orona mena yo hiwa bele ukaimile Yohanesle bokore enatere. Neyae Yohanesre wainye, “Weyae naeinya hesele nde?”

Yohanes 8:22

Yahudi ro miyae elate, “Nda a yae eleukoke, ‘Reyae erele anuwaufe mayae ei sului.’ Naendae wanen, Nauwa Nenaeijae hombonderene era?”