Yohanes 6:68 - Allahle a neme heteungekoke homofae

⁶⁸ Simon Petrus yae weunge, “Tuhan, ndere hakomanelere wamae? Waei a faeu wali hena bona bele kiyaebe wamae.

Yohanes 6:68 Referans Kwoze

Yohanes 5:24

“Reyae nana heselebe wamale, nde yae Raei a elale borombonde nane merau Rare ukeufe mekale Kiyaele a elelere hila rabo halendena, wali hena bona rowende, walire hului okoloi. Nebei ro miyae Allah bele waheikoke wali ma wekeunge, Reyae Wali Ondofolo yae kelaemaele wali nibine orole.

Kisah 4:12

Nda kani kela ewole mewole ro miyaere wali hena bona yemmile naei elae Allah yae Yesusle me einye kinyewounge, nebei wanen elae hire hare eyei.”

Kisah 5:20

Malaikat yae nebei abu akore weumi, “Eme, Allahre ei mom-mom imae na kaban sele kiyaena imaehounge ensebembombe, Wali Ondofolore hila rabo enainyehalende walora wali neme rowembe a faeu ro miyae helende huwemmile.”

Kisah 7:38

Nda Musa mbai aei yobe naei kamahe naei Israel ro miyae nolone a kala-kalane nekewole nane merau Sinai mokone ike malaikat yae are uwounge. Eyae wali nibi foi nekemale naeise, wali heere foloukoke a faeufe Allah nebei Musa mbaise ukeunge.

Yohanes 6:63

Allahle Roh yae walire yeyeumi. Uwa melen na hele rabuhi ban yaeiboke. Allahle Roh yae Raei eleukokale a walora mare huwembe, wali hena bona inyembe.

Matius 16:16

Simon Petrus yae weunge, “Weyae Niyae Allah yae oro umaufe heraweubokete Wali Ondofolo, Allah huba ban haei ban nekeimeyele Kiyaele Kelu.”

Yohanes 6:40

Nda niyae Maeko kenare kole ma: ro miyae nanemene Raei are nou henate Raei a elalere hila rabo halenaisele yore wali hena bona isemile nane merau nebei holonare huba mokoi yane Reyae areminunde.”

Yohanes 17:8

Arai, Waei ako faeuko Rare ukarae hufemilere na hului weumikokale. Nebei holona yo Waei ako faeukore hila rabo halewate nane merau Reyae Waei bokora mekalere isaeyaeiboke. Nda holona na hele yae elate, Arai, Weyae Rare ukarae nda kani kelare mewale.

Markus 8:29

Yesus yae hineumi, “Mayae bae Rare nde yae elaube?” Petrus yae weunge, “Weyae Allah yae oro umaufe heraungeboke Wali Ondofolo!”

Lukas 9:20

Nebeinye Yesus yae hineumi, “Mayae bae Rare nde yae elaube?” Petrus yae weunge, “Tuhan, Wembai Allah yae oro umaufe heraweibokete Wali Ondofolo.”

Yohanes 12:49

Rabuhine ban Raei elale a faeu Raei uwana a ban. Nebeibe Ako ukeufe mekale Kiyae mare ufembere ukeufe abe, nebei hului yae mare wamale.

Yohanes 12:50

Nane merau Reyae raeisaei sele Ako ufembere ukeufe a faeu wae wali hena bonare inyembe. Nebeibe Reyae elale a Maeko yae keleufekoke hului yae mare huwamale.”

Kisah 13:26

“Aka naei baeke naei Abrahambe orona mena yo nane merau aka naei baeke naei Yahudi ban yo Allahle are boroyaube hakoyaube yo ndane mekaufebaube yoni-yoni, Allahlena wali hole molommebonde a faeu ukeume huwemamilere.

Kisah 8:37

Filipus yae weunge, “Wali Ondofolo Naei a elelere hila rabo elae halelena, reyae na hului bu koreibote.” Nebei Etiopiana ro yae weunge, “Reyae, Yesus Wali Ondofolo Kiyaere hila rabo nana hele halaenale, Neyae Allahle Kelu.”