Yohanes 5:43 - Allahle a neme heteungekoke homofae

⁴³ Maekole Ro yae Reyae mekale, nebeibe mayae Rare ei ehawei. Nebeibe ro hi miyae hi naei ro yae mele kiyaere mayae ei haweyaumi.

Yohanes 5:43 Referans Kwoze

Yohanes 10:25

Yesus yae weumi, “Reyae nebei naeise a ukamalebe ya, nebeibe Reyae wamale a na helere mayae eleikoi kaube. Rambun emere-emere Reyae Maekole ro yae mokale. Nebei yae Raei uwa naei are isaeyembe.

Matius 24:5

Rabuhine ban ro miyae helen Raei ro yae kelenayembe ungayembe, ‘Reyae Wali Ondofolo niyae’. Nebei u mekai yae ro miyae helen ame-ame wabenaimile.

Yohanes 6:38

Rabuhine ban Raei kenare korele hului yae mokorelere ban, nebeibe Rare ukeufe mekale Kiyaele kena konde hului yae mokorelere naeise Reyae surgara okale.

Yohanes 12:28

Ako, Wa Ro hili hensende mokoibo ba! Waei kena koyae hului Rare mokoufele.” Surgara a beufoke weunge. ((Yesus rambun emere-emere mokowolene Allah yae nda are eleukoke borowate,)) “Kelu, Raei nene waewae ro miyaere kelewamale nane merau benen keleremikonde.”

Matius 24:24

Rabuhine ban wali ondofolo na hele ban bele yenjo kayaayo na hele ban bele helen menaiyakande. Iwau mahi-mahi, rambun emere-emere nda yo mokonate, na huluinya Allah yae eleukoke holona ro miyaere mokonaimibonde naei nibi bekone enaisakongkonde.

Yohanes 3:16

Allah yae nda kani kelana ro miyaere kena buhae u buhae kaban hewoumi aerene Reyae Na Kelu mbai ken sele kinyeumiboke. Nde maenin mae Raei a elalere hila rabo halensele kiyae Allah bele ewaheikoi nebeibe wali hena bona endowende naeise, Reyae hererelere Allah ukeufe mekale.

Kisah 21:38

Nebei wanenna, weyae nebei Mesir kanina ro ban, manemfa-manemfa meke yore yande meke horowole nane merau nemene 4.000 na fela bele yaweumiboke a kala-kalare ewate kiyae?”

Yohanes 5:42

Nebeibe mai uwa naeise Reyae rombokamale. Mai kena ei u einye mayae Allahre kena buhae ehei.