Yohanes 4:53 - Allahle a neme heteungekoke homofae

⁵³ Naeko na u bene meungenekeufike na hele nebei haei yae Yesus a ukeunge, “Wa fa onomi rouke.” Nebeinye na miyae fa-fa na imae ei obe einya yo bele nemene Yesusre hila rabo halewainye.

Yohanes 4:53 Referans Kwoze

Lukas 19:9

Yesus yae weunge, “Nda heene Allah ware hole molokokete, rabuhine ban Abrahambe wanen weyae Allah a ukete hului mokobokae.

Kisah 18:8

Krispus nebei ei moloi-moloi imae yunde hebewole kiyae bele na imae obena yo bele Yesusre hila rabo halewainye. Nebei sului mbai Korintus yona ro miyae helen Paulus a huwoumi borowate yo Yesusre hila rabo halewainye, nebeisa bu kaimikoke.

Kisah 16:34

Nebei kawa yun Paulusle Silasle naei imaere yaweumiboke ekate raman koloumikokene anewote. Neyae nane merau naei imaena yo Allahre hila rabo halewainyene, rei mai sele kowole.

Kisah 11:14

Nebei kiyae mende a ungengkombe yae weyae nane merau waei imae mbai obe mbainye nekeyaube yo bele wali hole molonembombe.’ ”

Kisah 16:15

Lidia nane merau naei imaena obena ro miyae bele bu kaimikoke. Nebeisa maere naei imaere emalere waeli hele beumoke weume, “Aka naei baeke naei, reyae nana hesele Yesusre hila rabo halanale a yae mayae elaubena, mana ya mayae raei imaene ensonombere.” Na hibi-hibi weumeyokene, ehe kannekoke naei imaene ekansonowande.

Kisah 2:39

Allah nebei a heteungekoke mai foi naeise, mai orona mena foi naeise, nane merau ahaunge nekate ro miyae Allah yae emmikaenengkonde yo foi naeise.”

Matius 8:13

Nebeisa Yesus meubeke Roma naei felayona rore weunge, “Waei imaere beiso eye, hilare rabore haleyae huluinye yembonde.” Nebei hukai mbai na yebaei bubaei na hibi onomi rouke.

Yohanes 4:52

Nebeinye nda yore hineumi, “Makei haei yae uwa naume hireungeboke?” Nda yo yae wainye, “Wena rai hujoko mbainye u naume hireungeboke.”

Yohanes 4:51

Nibi nolone nare ewole mo na yebaei bubaei be huhu baikoke. Mekate wainye, “Wa fa ninae onomi rouke.”