Yohanes 20:29 - Allahle a neme heteungekoke homofae

²⁹ Yesus yae Tomasre weunge, “Rare erekaeraene weyae na hele yae eleukokae. Ro miyae namman ereiboibe nebeibe na hele yae enayelende yo, onomi foka yae hubanainyende.”

Yohanes 20:29 Referans Kwoze

1 Petrus 1:8

Wali Ondofolore mayae roko mbai ijoko ereiboi hororebe, nebeibe kena buhae u buhae Nare hewaunge. Nda hee Nare mayae ijoko ereiboibe, nebeibe Naei a elelere hila rabo halaeungene, mayae Allah yae ikembe rei mai kaube. Nebei rei mai a mehininde mae eraise sului.

2 Korintus 5:7

Aei kena u einye Wali Ondofolo Naei a elelere hila rabo halaenne walora wali nekande, Nauware ijoko yae erannene ban.

Ibrani 11:1

Rahebe “hila rabore” elande? Nda niyae: eyae kena elae hubanne rambun hila rabo halaenne hului enaibende hele nane merau nda hee yae eyae ereiboi rambun na hele honate.

Ibrani 11:27

Allah Naei a elewolere hila rabo halewounge walora ondofolo ikele han kondere buhae hokoiboi ban Mesir kanira Musa kulun uke ewole. Na kenabe heraweweke Allah uwounge are hakowounge, rabuhine ban na kena une Allah ijoko yae ereiboi Kiyaere erewoungene.

Lukas 1:45

Reyae Allahre ebeli banale weyae onomi foka hubaungele, rabuhine ban Allah ware uwote a nemene benate naeise hila rabo haleyaene.”

Yohanes 4:48

Yesus nda rore weunge, “Mayae rambun emere-emere ijoko ereiboinye Reyae Wali Ondofolo yeubokalere mayae hila rabo ehalei sului.”

Yohanes 20:8

Nebeisa Reyae ruka bulei eise eweufikale. Yeuboke rambunde ijoko erewale nane merau hila rabo halewale Yesus waleuboke.

Ibrani 11:39

Nebei ro miyae Allah Naei a elewolere hila rabo halewainyene Allah yae naei naeise a foi elewole hororebe, hi yae ha yae Allah are heteungekoke rambun orowei.

Matius 13:16

“Nebeibe mayae Raei moisa oraube yo na foi moi sele Raei me u mokalere mai ijoko yae eraube, Raei a elalere mai angkaei yae boraube.

Yohanes 20:28

Tomas yae Yesusre weunge, “Raei Tuhan, Raei Allah.”