Yohanes 16:33 - Allahle a neme heteungekoke homofae

³³ “Mayae rei mai onomi foka Raei einye enjarombe naeise Reyae nane a nanemene mare isaeyaemale. Nda kani kela einye me beko u beko hubannele, weitasi konayembe. Nebeibe mai kena u elae hebembe, rabuhine ban nda kani kela beko mere nulaiboke yo meleumihakamaele.”

Yohanes 16:33 Referans Kwoze

Yohanes 14:27

Reyae rei mai onomi foka mai kena einye nukamale. Rei mai onomi foka Raei uwana bele ma yae yaemale. Reyae yaemale rei mai onomi foka nda kani kelana wali beko nibine orate ro miyae yae yayembe wanen ban. Mai kena u isasa alalo okoijae, buhae ohokoijae.

1 Yohanes 5:4

Kena ure Allahlera honokate ro miyae nda kani kelana wali beko nibira nauwa wekate. Yesus Naei a elelere hila rabo halaenne walora nda kani kelana wali beko nibi nelaere melennehande.

2 Tesalonika 3:16

Aei Tuhan Yesus ro miyaere rei maise yeyeumi. Meyae riyeyannele na yane baei Neyae rei mai inyemembe naeise, nane merau mangkele nanembainye nekemembe naeise.

1 Yohanes 4:4

Kelu naei omi naei, mayae Allahle holona ro miyaere yaendeboke. Nane ame-amere kelaeimi yenjo kayaayore melaumihake, rabuhine ban Allahle Roh mare aubokembene. Allahle Roh elae bele, nda kani kelana wali beko nibine orate ro miyaere aumiboke roh elae ban.

Filipi 4:7

Allah Naei rei mai mokonnele nibi, ro miyae mbai sambai isaeyeiboi nibi walora, Yesus Wali Ondofolo Naei a elelere hakombene mai kena foi u foi mokonemembe.

1 Petrus 5:9

Wali Ondofolo Naei a elelere hila rabo halaeunge walora nare hun rannele, be rabulembombe hebembe. Maisaei nekaube hila rabo mbainye halaende holona ro miyae nda kani kela makeinya-makeinya mayae beko hubaunge ma mbai neyae hubayainye.

Yohanes 14:1

Yesus yae weumi, “((Reyae erelere wamalene)) mai kena u isasa alalo okoijae hele. Allah Naei a elelere mayae hila rabo haleyaunge. Nebei mekai mbai Raei a elalere hila rabo halensele.

2 Timotius 3:12

Na hele, ro miyae nde maenin Allah kenare kole hului Yesus Wali Ondofolo Naei a elelere hakonate mane na wali haraungeboke kiyae weitasi enainyekonde hele.

Kisah 14:22

Nebei yona Yesusre hakainyekoke ro miyae na hila rabo aiminuke nane merau moi hurewaimi Yesuslena a elelere hila rabo halainyele wali ma yae nekenayende. Paulusle Barnabasle nebei yore weimi, “Yesusle me kelee u keleene nekate holonare emayembonde naeise beko helen hubamangkonde hele.”

Wahyu 3:21

Raei yokeijore meleumihakalene, Maekole kendan wameranne Rangkele rondeboke nekande. Nebei sului mbai hila rabo bekore mokounge elaere melennehande ro miyaere Reyae ehe koremikonde, Raei kendan wameranne Rangkele mbainye emarombonde.

Ibrani 11:25

Wali kuikui maemae hena bona ban beko yae feleumiboke hubawainyere ahi eleukoke, nebeibe mehauwae Allah mere mokoumi holona yo bele nanembainye beko nangkele hubawainyele.

Wahyu 7:14

Reyae wanale, “Tuhan Wembai Waeisaei sele.” Nebeisa rare weufe, “Nda yo weitasi kowaimi mon nolora mate, na malo keleumon yeiboise Domba Kelu ha yae kuyaikoke.

1 Tesalonika 3:7

Aka naei baeke naei, meyae a borandeboke mai Wali Ondofolore hila rabo halaeunge kaban selene, maei kena kaeumeboke naendae wanen horo mahi-mahi helen maere kena beko mokoyaime nane merau ro miyae maere weitasi koyaime.

Wahyu 12:11

Aei aka baeke wa yae ahumbo-ahumbo koumiyeke kiyaere Domba Kelule ha yae bele Naei naeise are isaeiwaimi bele yae meleumihake. Rabuhine ban naei wali buhaere eheikoi ban mae isaeiwaimine.

Kolose 1:20

nane merau Yesusle walora nibi mokombonde nda kani kelana bele surgana bele nemene fomene na hului Nangkele foi mokommikonde. Yesus ohaline baikoke na ha rileuboke yae nda nibi mokouboke.

2 Korintus 1:3

Allahre ei molonnele. Neyae aei Tuhan Yesus Wali Ondofolole Ako. Neyae Ako, kena beko hubamande heene kena foise mokoyeume nane merau aei kena u harare roroyeume.

2 Korintus 13:11

Homo huba mokoikoise nda a yae wamale, mai kena rei mai yae komembe, relenembe mai walibe himalennebombe yae nekembe. U bene mbai nane merau riya mbainye kena rei mai yae nekembe. Allah kena buhae u buhae melaeu nane merau rei mai melaeu mare ei haungemembe.

1 Tesalonika 3:4

Meyae na bere holo yae mai nolone nekewande heene aere weitasi konaimele naei isaei ikayembe. Na hele maere weitasi kowaime.

Galatia 6:14

Reyae embei aikore kale mbai sele nda niyae: Yesus aei Wali Ondofolo, aei aerene hereke. Naei here walora nda kani kelana rambun yukaei yae elate rambunde raei kena eijoboi nekale. Nane merau reyae yukaei yae eranale rambunde nda kani kelana ro miyae ahi elate.

2 Korintus 7:4

Raei kena elae hubanale mayae Wali Ondofolo wembe a huluinye nekaube. Mai naeise ukaei kaele nane merau kena aufenuke. U mekai beko yun ran kaembaei ranne hayaeime hororebe, mai aerene raei kena na rei mai melei-melei eimelewole.

Kisah 27:25

Nebeinye reyae wamale, aka naei baeke naei, rei nendon kombe! Allah raei rabo halaenale Kiyaele a rare ukeufe huluinye benate.

Galatia 1:4

Allah aei Ako merau haraungeboke huluinye Yesus hakouboke. Aei beko bako aerene Na wali yokeijore ikeumi haiboke. Nebei nibi yaere nda heena wali bekora aere hole molommebonde.

Kisah 9:31

Saulus eke wa, nebei Yesusre hakainyekoke ro miyae Yudea kanina, Galilea kanina, Samaria kanina nemene buhae osaeiboke. Allahle Roh yae nebei ro miyae naei kena ure hara rorowoumi nane merau elae wake ikeumi. Tuhan mae weumi are ei hauwainye nane merau nebei holona ro miyae emerei-emerei emerewole.

Yohanes 12:31

Nda kani kelana ro miyae naei walire hului kolommikonde ya na hului meuyeuboke. Nane merau walobo yun hukennehinde ya na hului meuyeuboke.

Lukas 2:14

“Allah na bumane hele ekenekele Kiyaere hili hebenayende nane merau nda kani kelana ro miyae Naei kenare koyeumi yore Allah rei mai yemmile.”

Kisah 27:22

Nebeibe, mai kena nda hee ehabaijae. Hi yae ha yae nda mande nolora beko ebei, nda waka mbaibe beko yembonde.

Lukas 19:38

Nebei yo kaenate, “Allahle ro yae meke Ondofolo, onomi foka hubannele!” Meyae ebeli bomanele surgane rei mai nekenayende nane merau Allahre hili hebenainyende.

Kisah 23:11

Nebei reniai mo, Tuhan meke Paulusle bokone meufebeunguke weunge, “Paulus, buhae ohokoijae. Yerusalemne Raei ako faeukore wamae hului mbai, nebei sului mbai Roma yone Raei a eumihuwende.”

Ibrani 7:2

Nda Melkisedekre Abraham mae meleumihake yo yanna eba he roweimekebe me bee kayeerobe nare kinyeungeboke. Melkisedekle ro na mekai “wali ijen ondofolo” nane merau Salem yona ondofolo na mekai “rei mai ondofolo”.

Yohanes 16:11

Allahle Roh nebei u mekai beko bele holona yore Allah naei walire hului emmikolonde naeise isaeinyemile, rabuhine ban walobo yun nda kani kelana wali beko nibine orate yo naei yun kiyae Allah ehee bukulu wokeungene.

Matius 9:2

Kapernaum yone ekate yae, ro mbai orora nimainyekoke kiyaere na ijongku honson ranne ro hiwa yo yae kaeibokate Yesusle bokore mekate. Yesus nebei yo naei hila rabo erekeumine, orora nimainyekoke kiyaere weunge, “Kelu, rabo halei. Wa beko yoni-yoni ninae faeinyeubokawale.”

2 Korintus 2:14

((Paulus nekewole heena yokeijore meleumihake fela yun na felayo bele rore kaenainyele naeise, nebei yona ro miyae nolore homone aloiboyate oyorowate. Nebeinye oyorowate hee yae o ha fololo bele ongkou wae eisayeyaimi hanewate.)) Reyae Allahre helen foi wanale rabuhine ban Wali Ondofolole walora eyae Allahle yokeijore melammile nane merau Wali Ondofolole a foi faeu foi nebei ongkou fololo faeungekoke beele wanen a hire a hire huweyate.

2 Korintus 4:7

Allah bele Wali Ondofolo belere ranneboke naeise eba he wanen. Nebei eba he wanen isaei hebaen aei uwa kani u kela u mokoumeboke einye koloukoke. Maei elaene ban nebeibe Allahle elae maei walora mokolere yakambonde naeise, Allah maere kani u kela u bele ro miyae ukeume Wali Ondofololena a foi faeu foi huwemamile.

2 Korintus 6:4

Meyae Allahle yebaei bubaei hele yae nekande yo, maei me u nemene ikelewammi Allah weume a huluinye nekande. Nda u mekai beko meisubaime hororebe meyae kena yae herawandeke Wali Ondofolore hila rabo eisalewanne: kena bekore mokoume rambun eisubawandene, maei uwane beko ibewatene, kena beko u beko ikowandene,

1 Yohanes 2:13

Rorele wanen hila rabo henauboke yo, Wali Ondofolo na beme fome hele nekewole Kiyaere mayae ro raungebokene, reyae nda homo mai naeise molale. Ro hokolo fa wanen manemfa Wali Ondofolore hila rabo halaeunge nane merau walobo yunde melaungehake yo, reyae nda homo mai naeise molale.